Şou-biznes

Narkotikə görə saxlanılan Can Yamanla bağlı qərar verildi - YENİLƏNİB - FOTO

10 Yanvar 2026 20:56

Baxış: 2 750

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #AKTYOR #TÜRKİYƏ ŞOUBİZNESİ

İstanbulda məşhurlara qarşı keçirilən genişmiqyaslı "narkotik" araşdırması çərçivəsində şəhərin tanınmış gecə klubları və otellərinə əməliyyat təşkil edilib. Əməliyyat zamanı üzərində narkotik vasitə aşkarlandığı üçün saxlanılan məşhur aktyor Can Yaman ifadəsi alındıqdan sonra sərbəst buraxılıb.

Milli.Az xəbər verir ki, İstanbul Cümhuriyyət Baş Prokurorluğunun Qaçaqmalçılıq, Narkotik və İqtisadi Cinayətlər Bürosu tərəfindən aparılan istintaq çərçivəsində Beşiktaşda yerləşən məşhur "Bebek Otel" və digər 9 əyləncə məkanına basqın edilib. Jandarma qruplarının həyata keçirdiyi əməliyyata xüsusi təlim görmüş narkotik itləri də cəlb olunub. Axtarışlar zamanı otel və klublardan çoxlu sayda sübutlar toplanıb.

İstintaq çərçivəsində təkcə Can Yaman deyil, həmçinin Selen Görgüzel, Ayşe Sağlam və Ceren Alper də daxil olmaqla ümumilikdə 7 nəfər saxlanılıb. Əməliyyat zamanı keçirilən axtarışlarda kokain, marixuana (esrar), müxtəlif narkotik həblər, maye halında qadağan olunmuş maddələr, həssas tərəzilər və odlu silah patronları ələ keçirilib.

Aktyor Can Yamanın üzərində narkotik vasitə tapılmasına baxmayaraq, ilkin ifadəsindən sonra məhkəmə nəzarəti şərti ilə sərbəst buraxıldığı bildirilir.

------------

Türkiyəli məşhur aktyor Can Yaman saxlanılıb.

Milli.Az.xəbər verir ki, bu barədə Türkiyə mediası məlumat yayıb.

İddiaya görə C.Yaman İstanbul Baş Prokurorluğu tərəfindən aparılan "Narkotik" istintaqı çərçivəsində saxlanılıb.

Qeyd edək ki, aktyorun saxlanılması ilə bağlı rəsmi açıqlama verilməyib.

Əlavə edək ki, əməliyyatlar çərçivəsində Ceren Alper, Selen Görgüzel, Ayşə Sağlam və Nilüfər Batur Tokgöz kimi tanınmış şəxslər saxlanılıb.