Şou-biznes

Boşanıb 282 milyonluq əmlakları bölüşdürdülər - FOTOlar

9 Yanvar 2026 10:50

Baxış: 2 112

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #HOLLYWOOD #AİLƏ #AKTRİSA

"Oskar" mükafatının sahibi olan məşhur aktrisa Nikol Kidman həyat yoldaşı, tanınmış musiqiçi Kit Urban ilə rəsmi şəkildə ayrılıb.

Milli.Az xarici mətbuata istinadən xəbər verir ki, boşanma üçün məhkəməyə müraciəti məhz Kidman edib. Aktrisa ərizəsində tərəflər arasında dərin fikir ayrılıqlarının yarandığını və bu səbəbdən ailə həyatının davamının mümkünsüz olduğunu qeyd edib.

Təxminən 19 il davam edən evlilikdən sonra yollarını ayıran cütlük əmlak bölgüsü ilə bağlı qarşılıqlı razılaşma əldə edib. Razılaşmaya əsasən, bank hesabları, investisiyalar, sənət əsərləri, daşınmaz əmlak və avtomobillər iki tərəf arasında bərabər şəkildə bölünəcək. Bununla yanaşı, hər kəs artıq öz adına olan əmlakı saxlayacaq. Bildirilir ki, cütlüyün ümumi sərvəti təxminən 282 milyon dollar dəyərində qiymətləndirilir.

Müqavilədə övladların himayəsi məsələsi də əksini tapıb. Belə ki, 17 yaşlı Sandey Rouz və 15 yaşlı Feyt Marqaret ilin 306 gününü anaları, 59 gününü isə ataları ilə keçirəcəklər.

Xatırladaq ki, daha əvvəl mediada cütlüyün Kit Urbanın keçmiş narkotik asılılığı səbəbilə nikah müqaviləsi imzaladığı iddia olunurdu. Həmin müqaviləyə görə, asılılıqla bağlı olmayan səbəbdən boşanma baş verərsə, Nikol Kidman ərinə narkotikdən uzaq qaldığı hər il üçün 600 min dollar ödəməli idi. Əgər boşanma narkotik istifadəsi ilə əlaqəli olsaydı, Kit Urban heç bir maddi vəsait əldə etməyəcəkdi.

Hüseyn
Milli.Az