Şou-biznes

Nofəl Şahlaroğlu: "Elə reklamlara çəkilmişəm ki, baxanda adamın ürəyi bulanır"

4 Yanvar 2026 00:25

Baxış: 1 407

VTB-də minimal faiz dərəcəsi ilə nağd kredit 10.49%-dən

#AKTYOR

Baku TV-nin "Qapqara" verilişinin yeni buraxılışının qonağı aktyor Nofəl Şahlaroğlu olub.

Milli.Az xəbər verir ki, "sənətkar" anlayışından danışan aktyor bu adın hər kəsə və hər fəaliyyətə şamil edilməsinin düzgün olmadığını bildirib:

"Sənətkar" sözü məsuliyyətli anlayışdır. Hər kəsə "sənətkar" deməklə bu anlayışı ucuzlaşdırırıq. Mən həmişə başqaları ilə yox, yalnız özümlə rəqabət aparmışam. Keçmiş işlərimə baxıb utanmasam, inkişaf yoxdur. İnsan öz ölçüsünü bilməlidir. Özünü həddindən artıq dəyərləndirmək də bir problemdir".

O, öz yaradıcılığına qarşı olduqca sərt olduğunu da etiraf edib. Aktyorun sözlərinə görə, özünü ən çox tənqid edən insan elə özüdür:

"Çəkildiyim filmlər, seriallar və reklamlar arasında mənasız, boş işlərin olduğunu bilirəm və bunu danmıram. Son 8 ilə qədər pula görə oynadığım işlər olub. Amma ən pis layihədə belə aktyor kimi keyfiyyətimi itirməmişəm. Elə reklamlara çəkilmişəm ki, baxanda adamın ürəyi bulanır. Amma vicdanla, maksimum bacardığımı etmişəm".

Milli.Az