Şou-biznes

Ebrunun keçmiş əri həbs olundu

26 Dekabr 2025 23:40
Baxış: 2 515
VTB-də minimal faiz dərəcəsi ilə nağd kredit 9.9%-dən
#MÜĞƏNNİ

Məşhur müğənni Ebru Gündeşin cəmi bir neçə ay əvvəl boşandığı keçmiş həyat yoldaşı, iş adamı Murad Özdəmirin həbs olunduğu iddia edilir. O, Səlahəddin Yılmazın rəhbərlik etdiyi cinayət qruplaşmasına üzv olmaqda ittiham olunur.

Milli.Az-ın Türkiyə mediasına istinadən məlumatına görə, Murad Özdəmir mütəşəkkil cinayətkar dəstənin fəaliyyətində iştirak etməkdə günahlandırılaraq barəsində həbs qətimkan tədbiri seçilib. Qeyd edək ki, Özdəmir hələ bu ilin avqust ayında da eyni cinayət işi ("Səlahəddin Yılmaz cinayət qruplaşması") çərçivəsində saxlanılmış, lakin ifadə verdikdən sonra sərbəst buraxılmışdı.

İddialara görə, Murad Özdəmir cinayətkar dəstə rəhbərindən aldığı tapşırıqlar əsasında bəzi mütəşəkkil sənaye zonalarına təzyiq göstərməkdə və bu yolla qanunsuz qazanc əldə etməkdə şübhəli bilinir.

Ebru Gündeş dördüncü həyat yoldaşı Murad Osman Özdəmir ilə 2024-cü ilin fevralında Dubayda evlənmişdi. Lakin cütlüyün münasibəti uzun sürməmiş və onlar 27 sentyabr 2025-ci ildə qarşılıqlı razılaşma yolu ilə bir məhkəmə iclasında rəsmən boşanmışdılar.

Xəbərdə o da vurğulanır ki, Ebru Gündeşin şəxsi həyatı keçmişdə də bənzər hüquqi proseslərlə gündəmə gəlib. Sənətçinin digər keçmiş həyat yoldaşı Rza Zərrab da 2016-cı ildə ABŞ-də bank fırıldaqçılığı və çirkli pulların yuyulması ittihamı ilə həbs olunmuşdu

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.