Şou-biznes

Maykl Ceksonun bu FOTOsu gündəm oldu

23 Dekabr 2025 14:00
Baxış: 1 844
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #MARAQLI #MƏŞHURLAR #HOLLYWOOD #MÜĞƏNNİ

Ceffri Epşteynlə Maykl Ceksonun birgə görüntüləndiyi və uzun müddətdir müzakirələrə səbəb olan fotoşəklin Floridada bir malikanəyə baxış zamanı çəkildiyi açıqlanıb.

Milli.Az xarici mətbuata istinadən xəbər verir ki, pop ulduzunun keçmiş cangüdəni Met Fiddesə istinadən məlumat yayıb.

Fiddes bildirib ki, Maykl Cekson həmin vaxt Ceffri Epşteynin kimliyi barədə məlumatlı olmayıb. Onun sözlərinə görə, məqsəd sadəcə evlərə baxmaq olub:

"Biz müxtəlif evlərə baxırdıq. Maykl dostu Barri Gibbə daha yaxın olmaq üçün Palm Biçdə yaşamağı planlaşdırırdı. O dövrdə Epşteyn geniş tanınan biri deyildi".

Qeyd olunub ki, pedofiliya qalmaqalları ilə gündəmə gəlmiş maliyyəçi Epşteyn, Ceksonun 2003-cü ildə Palm Biçə etdiyi bir həftəlik səfər zamanı baxdığı mülklərdən birinin sahibi olub. Cangüdənin sözlərinə görə, fotoda müğənninin Epşteynin evində görünməsi tamamilə təsadüfi haldır.

Maykl Ceksonla təxminən on il çalışdığını deyən Met Fiddes əlavə edib ki, sənətçi bütün pərəstişkarlarına qarşı hər zaman nəzakətli olub və xatirə şəkli çəkdirməkdən imtina etməyib. Buna görə də həmin fotonun çəkilməsi xüsusi bir məna daşımır.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.