Şou-biznes

"Canlı ifa etmirəm, oxuduğumun tonallığını bilmirəm, amma ayın 27 günü tədbirdəyəm"

17 Dekabr 2025 19:52

Baxış: 735

VTB-də minimal faiz dərəcəsi ilə nağd kredit 10.49%-dən

#ŞOU-BİZNES #MƏŞHURLAR #TOY #MÜĞƏNNİ #ŞOU

Model və müğənni Müjgan Ayxanın səsləndirdiyi açıqlamalar sosial şəbəkələrdə və şou-biznes gündəmində geniş müzakirələrə səbəb olub.

Milli.Az xəbər verir ki, sənətçi özünü açıq şəkildə deyib ki, canlı ifa etmir və oxuduğu mahnıların tonallığını belə bilmir. Buna baxmayaraq, ayın demək olar ki, 27 günü müxtəlif tədbirlərdə səhnə aldığını qeyd edib. Müjgan Ayxan bu fikirləri ilə sənət aləmindəki mövcud reallıqlara diqqət çəkib.

Müğənni çıxış etdiyi məkanlar barədə də danışaraq ailəvi restoranlarda, toy məclislərində oxuduğunu, qapalı kabinet məclislərində də oxuduğunu vurğulayıb. Onun sözlərinə görə, hazırda cəmiyyətin musiqi zövqü dəyişib və insanlar gündəlik danışıq dilində olan sözlərdən ibarət mahnılara daha çox maraq göstərirlər.

Müjgan Ayxan bildirib ki, ziyalı təbəqənin təşkil etdiyi məclislər ayda cəmi bir neçə dəfə olur, əsas tələbat isə xalq tərəfindən gəlir. O, ifa etdiyi mahnıların "küçə mahnısı" adlandırılmasına da etiraz edərək, bu mahnıları dinləyənlərin sıravi insanlar olduğunu və bunun qınanacaq hal olmadığını deyib.

Sənətçinin bu səmimi və mübahisəli açıqlamaları cəmiyyətdə birmənalı qarşılanmayıb və sosial platformalarda müxtəlif fikirlərin yaranmasına səbəb olub.

Musa
Milli.Az