Şou-biznes

Dünyanın ən varlı musiqiçisi elan edildi

30 Avqust 2025 07:07
Baxış: 955
VTB-də minimal faiz dərəcəsi ilə nağd kredit 9.9%-dən
#REPER

Məşhur müğənni Beyonsun həyat yoldaşı, reper Jay-Z (əsl adı Şon Karter) Forbes jurnalının avqustun 29-da yayımladığı məlumatına görə dünyanın ən varlı musiqiçisi adını qazanıb.

Məlumata əsasən, Jay-Z və həyat yoldaşı Beyonsun sərvəti 2,5 milyard avroya çatıb. Nəşr xatırladır ki, 2019-cu ildə Jay-Z hip-hop dünyasının ilk milyarderi olmuş, daha sonra isə xüsusilə içki biznesi sayəsində sərvətini ikiqat artırmışdı. Ardınca isə LVMH şirkəti onun məşhur Armand de Brignac (Ace of Spades adı ilə tanınan) şampan brendinin 50 faiz payını satın almışdı.

Bundan başqa, 2021-ci ildə reper Rok-n-Roll Şöhrət Zalına daxil edilmiş, 2022-ci ildə isə Super Bowl-un fasilə şousunun quruluşuna görə Emmy mükafatına layiq görülmüşdü.

Xatırladaq ki, bu ilin aprel ayında Forbes amerikalı sahibkar və milyarder Elon Maskı dünyanın ən varlı insanı elan etmişdi. Onun sərvəti 342 milyard dollar olaraq qiymətləndirilmişdi.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.