Şou-biznes

Bülent Ersoy alovların içində qaldı – Menecerindən ilk açıqlama - FOTO

26 İyul 2025 10:31

Baxış: 1 700

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MARAQLI #TÜRKİYƏ

Türkiyəli məşhur sənətçi Bülent Ersoyun Antalyadakı villasının yaxınlığında yanğın hadisəsi baş verib.

Milli.Az xəbər verir ki, yanğın Antalyanın Kundu səmtinin Güzeloba məhəlləsində qeydə alınıb. Hadisə zamanı sənətçinin ərazidə yerləşən villasına alovun keçdiyi bildirilir. Avqustun 9-da konsert verməsi planlaşdırılan Bülent Ersoy yanğın zamanı çaxnaşma yaşasa da, vəziyyəti yaxşıdır.

Antalya Böyükşəhər Bələdiyyəsinin yanğınsöndürənləri hadisəyə sürətlə müdaxilə edib və alovun yayılmasının qarşısını alıblar. Hadisə nəticəsində villaya ciddi ziyan dəymədiyi qeyd olunub.

Sənətçinin menecerlərindən biri olan Arzu Acay sosial şəbəkədə açıqlama verərək bunları bildirib:

"Divamızı çətinliklə də olsa təxliyyə etdik. Meşə ərazisi göz qırpımında yanıb kül oldu. Allah yanğınsöndürənlərimizə rəhmət eləsin, dərhal müdaxilə etdilər".

Yanğının səbəbi hələlik müəyyən edilməyib. Əraziyə cəlb olunan xilasedici qruplar soyutma işlərini davam etdirir.

Fidan
Milli.Az