Şou-biznes

"Bağışlayın, ancaq bu şəkli paylaşmalıyam" - Əməliyyat qurbanı olan bloqer - FOTO

29 May 2025 11:33

Baxış: 1 926

VTB-də minimal faiz dərəcəsi ilə nağd kredit 9.9%-dən

#MARAQLI #SOSİAL ŞƏBƏKƏLƏR #TÜRKİYƏ ŞOUBİZNESİ

Sosial şəbəkədəki paylaşımları ilə tanınan Danla Biliç üç il əvvəl etdirdiyi bud dolğusu səbəbilə yaşadığı sağlamlıq problemləri fonunda dolğunun bədənindən çıxarılması üçün əməliyyat olunub.

Milli.Az Türkiyə mətbuatına istinadən xəbər verir ki, fenomen adlandırılan Biliç sosial media hesabında bu müddət ərzində yaşadıqlarını izləyiciləri ilə bölüşüb. O, əməliyyat zamanı bədənindən çıxarılan dolğu miqdarını görərkən özü də şoka düşdüyünü deyib.

"Bağışlamanızı rica edərək paylaşmaq istəyirəm" sözləri ilə yayımladığı görüntülər izləyicilər arasında böyük səs-küyə səbəb olub.

Bundan əvvəl verdiyi açıqlamada Danla Biliç həmin müdaxilənin riskləri barədə ona məlumat verilmədiyini, bu səbəblə peşmanlıq yaşadığını bildirmişdi. O, izləyicilərini "Bədən dolğusu əsla etdirməyin" sözləri ilə xəbərdar etmişdi.

Məlum olub ki, ona bu estetik müdaxiləni edən şəxs vaxtilə Türkiyədə səs-küyə səbəb olmuş yol qəzasında adı hallanan Timur Cihantimur-un atası, estetik cərrah Bülent Cihantimur olub. Xatırladaq ki, Timur Cihantimur qəzanın ardından anası Eylem Tok ilə birlikdə ABŞ-a qaçmışdı.

Danla Biliç isə estetik proseslər səbəbilə yalnız fiziki deyil, psixoloji baxımdan da ağır dönəm yaşadığını deyib və əməliyyatdan əməliyyata girərək sağlamlığını bərpa etməyə çalışdığını bildirib. O, estetik əməliyyatlara qərar verərkən insanların daha bilincli davranmasının vacibliyini vurğulayıb.

İsmayıl
Milli.Az