Şou-biznes

Hamının subay bildiyi Namiq 6 ay əvvəl boşanıbmış

27 May 2025 11:53

Baxış: 2 425

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MARAQLI #VİDEO #MƏŞHURLAR #AİLƏ #ŞOU

Aşıq Namiq Fərhadoğlu açıqlaması ilə diqqət çəkib.

Milli.Az xəbər verir ki, söz ustası ilk qurduğu ailəsi barədə maraqlı etiraf edib.

"Bir gün" verilişində 6 ay öncə boşandığını deyən sənətçi təəccübə səbəb olub:

"Qızım 18 yaşın içindədir. Çox savadlı ağıllı və tərbiyəlidir. 3 dil bilir. Öz savadı ilə universitetə qəbul olub. Ailəmi çəkdirib, efirdə göstərmək istəmirəm. Keçmiş xanımla bir-birimizə hörmətimiz var. 6 ay bundan qabaq boşanmışam.18 il sonra bu, rəsmi şəkildə baş tutdu. Hər dəfə nəsə iş çıxırdı, işi rəsmiyyətə bağlaya bilmirdik. Qeydiyyatda ayrı yerdə olmağım, 10 il hər gün veriliş apardığıma görə vaxt tapa bilmirdim. Rəhmətlik atam da deyirdi ki, övladınız var, barışın. Hər şey ola bilər, ancaq 18 ildir barışıq olmayıbsa, bu, çətindir.

22 yaşında evlənmişdim, yenicə tanınırdım. Çox qısqanclıq oldu. Bu zər haradandır, tük kimindir? kimi adi şeylərə görə ailəmiz dağıldı. Qayınatam, qayınanam, baldızım hamısı ziyalıdırlar, yüksək vəzifələrdə çalışırlar. O ailə çox savadlıdır, nəsildə oxumayan yoxdur. Qızıma da deyirəm ki, sənin anan-atan onlardır. Səni böyüdüblər, o əziyyəti itirmək olmaz. Özüm də övladımla həmişə görüşürdüm, atam da nəvəsi ilə gəzirdi. Kürdəmirdə yaşayırlar. Ad günlərində yanına gedib".

Hüseyn
Milli.Az