Şou-biznes

20 yaşlı qız tanınmış aktyoru evində öldürdü - YENİLƏNİB - FOTO

23 May 2025 16:15

Baxış: 2 722

VTB-də minimal faiz dərəcəsi ilə nağd kredit 9.9%-dən

#HADİSƏ #TÜRKİYƏ #BIÇAQLANMA #AKTYOR

16:15

Beşiktaşda sosial şəbəkədə tanış olduğu universitet tələbəsi tərəfindən evində bıçaqlanan keçmiş "Yeşilçam" aktyoru Mehmet Serdar Sulukahya həyatını itirib.

Milli.Az xəbər verir ki, 20 yaşlı şübhəli Fatma Gülsüm P. qaçarkən yaxalanıb.

Gənc qız ilk ifadəsində Sulukahyanın ona cinsi təcavüz etdiyini və bu səbəbdən ona bıçaqla hücum etdiyini iddia edib.

Araşdırma davam edir.

12:49

"Yeşilçam" sənətçisi, aktyor Mehmet Serdar Sulukahya evində bıçaqlanıb.

Milli.Az haberler-ə istinadla xəbər verir ki, "Yeşilçam"ın unudulmaz adları ilə eyni səhnəni paylaşan təcrübəli aktyor Mehmet Serdar Sulukahya ötən axşam İstanbulun Beşiktaşdakı evində bıçaqlı hücuma məruz qalıb.

Əldə edilən məlumata görə, uzun müddətdir Hollandiyada yaşayan və arabir İstanbula gələn və Beşiktaşdakı evində qalan Sulukahya ötən gün sosial şəbəkədə tanış olduğu qadını evinə dəvət edib. İddialara görə, evə gələn qadınla aktyor arasında naməlum səbəbdən mübahisə düşüb.

Mübahisə böyüyüb və gənc qadın Mehmet Serdar Sulukahyanın bədəninin müxtəlif nahiyələrinə bıçaq zərbələri endirib və daha sonra hadisə yerindən qaçıb.

60 yaşlı sənətçinin səhhətinin ağır olduğu bildirilib. Hadisə ilə bağlı araşdırmalar davam edir.

Qeyd edək ki, aktyor Mehmet Serdar Sulukahya "Beyaz Ölüm" , "Hülyam" , "Yakalayacak Kadın" kimi filmlərdə rol almış, Tarık Akan, Fatma Girik və Ahu Tuğba kimi məşhur adlarla çalışmışdı.

Fidan
Milli.Az