Şou-biznes

Məşur rejissor vəfat etdi - FOTO

9 May 2025 16:35

Baxış: 1 121

VTB-də minimal faiz dərəcəsi ilə nağd kredit 10.49%-dən

#ŞOU-BİZNES #MARAQLI #NYU-YORK

"Fifty Shades Darker" və "Fifty Shades Freed" filmlərinin, eləcə də "House of Cards" serialının rejissoru Ceyms Foley vəfat edib.

Milli.Az xəbər verir ki, bu barədə "The Hollywood Reporter" məlumat yayıb.

Bildirilir ki, o, 71 yaşında dünyasını dəyişib.

Məqalədə deyilir: "Nyu-Yorkun Bruklin bölgəsində anadan olan Ceyms Foley, 30 ildən çox davam edən karyerası ərzində Al Paçino, Şon Penn, Madonna və Mark Uolberq kimi A-list ulduzlarla çalışmış rejissor idi. O, 71 yaşında vəfat edib".

Rejissorun nümayəndələrinin bildirdiyinə görə, Foley bu həftənin əvvəlində Los-Ancelesdəki evində uzun sürən beyin xərçəngi mübarizəsindən sonra vəfat edib.

Ceyms Foley haqqında qısa bioqrafiya

Ceyms Foley 1953-cü ildə Nyu-Yorkda anadan olub. Kinematoqrafiyaya 1984-cü ildə çıxan "Reckless" filmi ilə başlayıb.

Onun ən tanınmış işləri arasında "Perfect Stranger" və dünya miqyasında məşhurlaşmış "Fifty Shades of Grey" filminin iki davamı - "Fifty Shades Darker" və "Fifty Shades Freed" yer alır.

Foley eyni zamanda "House of Cards", "Billions" və "Hannibal" kimi populyar serialların yaradılmasında da iştirak edib, "Twin Peaks"in bir seriyasına da rejissorluq edib.

Film və televiziya sahəsində 30 ildən artıq fəaliyyət göstərən Ceyms Foley, Al Paçino və Mark Uolberq kimi ulduzlarla əməkdaşlıq edərək sənayenin hörmət qazanan rejissorlarından birinə çevrilmişdi.

Kənan
Milli.Az