Şou-biznes

"O, kimdir ki, meyxana haqqında danışır?"

4 Aprel 2025 09:06

Baxış: 1 298

VTB-də minimal faiz dərəcəsi ilə nağd kredit 9.9%-dən

#MEYXANA

"Mən elə bir adamı tanımıram. Özü-özünü sübut edib ki, meyxana haqqında da danışır? O, hansı statusa, elmə sahibdir ki, meyxana haqqında danışır? Sadəcə olaraq meyxana haqqında son dövrlər belə qiraətçilər danışır ki, nəsə əldə etsinlər, adları haradasa hallansın".

Milli.Az xəbər verir ki, bu sözləri "ölkə.az"a açıqlamasında tanınmış meyxanaçı Mehman Əhmədli qiraətçi Xəzər Süleymanlının meyxana ilə bağlı qalmaqallı fikirlərini şərh edərkən deyib.

Onun sözlərinə görə, meyxananın kütləsi böyükdür:

"Meyxana sevilən bir janrdır. Normal qiraətçi olsaydı, o, meyxana haqqında elə danışmazdı. Çünki qiraətçi şeir deyirsə, əgər o, ümumiyyətlə şeir nədir bilirsə, həqiqətən qiraətçidirsə, bilməli idi ki, meyxana necə sənətdir. Meyxanada bədahətən şeirlər deyilir.

Hansı haqqla, hansı hüdudla meyxana haqqında danışır? İkincisi, ola bilər ki, bu adamı tanımaya bilərəm, amma onun danışığından bilinir ki, sənəti nə boydadır. Kimdir deyəndə mən onun şəxsiyyətinə toxunmuram. Amma insan özünü sözü ilə məlum edər. Niyə yoxdur meyxana? Meyxana var".

Qeyd edək ki, qiraətçi X.Süleymanlı "Pərvizə görə" verilişində hazırkı meyxananın vəziyyətinin acınacaqlı olduğunu bildirib.

Milli.Az