Şou-biznes

Sevgilisinin ETİRAFI Leonardo Di Kaprionu TƏƏCCÜBLƏNDİRDİ

26 Mart 2025 13:47
Baxış: 929
VTB-də minimal faiz dərəcəsi ilə nağd kredit 9.9%-dən
#ŞOU-BİZNES

Leonardo Di Kaprionun sevgilisi  münasibətində onu nəyin əsəbiləşdirdiyini etiraf edib.

Milli.Az lent.az-a istinadla xəbər verir ki, Hollivud aktyoru Leonardo Di Kaprionun sevgilisi - italyan model Vittoria Ceretti - onların münasibətində onu əsəbiləşdirən məqamı açıqlayaraq təəccübləndirib.

Cütlük 2023-cü ilin sentyabrında münasibətə başlayıb. Lakin pərəstişkarlar bu münasibət barədə çox şey öyrənə bilmirlər, çünki nə Di Kaprio, nə də Ceretti şəxsi həyatları barədə danışmağı sevir. Xüsusilə də, Vittoria Ceretti onların münasibətində onu ən çox narahat edən şeyin nə olduğunu etiraf edib. Məlum olub ki, modeli "Leonardo Di Kaprionun sevgilisi" etiketi ilə adlandırmaları onu narahat edir.

"Əgər sənin sevdiyindən daha çox fanatı olan biri ilə münasibətə başlayırsansa, dərhal kiminsə "qızı" ya da "oğlanı" olursan. Bu isə çox əsəbiləşdirici ola bilər. Birdən insanlar sənin haqqında hansısa şəxsin qızı, ya da kiminsə keçmiş sevgilisi kimi danışmağa başlayır. Bu, çox xoşagəlməzdir. Sevdiyin insanla sadəcə sevdiyin üçün münasibətdə ola bilməmək düşüncəsi - yalnız insanlar sənə bu cür etiketlər yapışdırmaq istədiklərinə görə - mənə ağır gəlir," - model bildirib.

Eyni zamanda, pərəstişkarlar cütlüyün harada tanış olduqlarını da öyrənə biliblər. Bu taleyüklü görüş Milan şəhərində baş verib. Lakin model bu mövzuda daha ətraflı danışmaqdan imtina edib. Ceretti Di Kaprio ilə münasibətlərinin təfərrüatlarına varmaq istəməyib və şəxsi həyatının şəxsi qalmasını istədiyini bildirib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.