Şou-biznes

Prokurorluq müğənninin əri üçün 27 il həbs cəzası istədi

6 Mart 2025 11:27

Baxış: 1 099

#MARAQLI #AİLƏ #MÜĞƏNNİ #TÜRKİYƏ ŞOUBİZNESİ

Türkiyəli müğənni Merve Özbeyin həyat yoldaşı, iş adamı Kenan Koçak, "Sarallar" kimi tanınan mütəşəkkil cinayətkar qruplaşmanın üzvü Turan Yıldırımın xaricə qaçmasına kömək etməkdə ittiham olunur.

Milli.Az türk mediasına istinadla xəbər verir ki, bu səbəbdən, Koçak və Ədirnə Qaçaqmalçılıq və Mütəşəkkil Cinayətkarlıqla Mübarizə Şöbəsinin müdiri Mehmet Deniz Karakurt da daxil olmaqla, 62 şübhəli barəsində ittiham aktı hazırlanıb. Onlara qarşı "cinayətkar təşkilata köməklik etmək" və "qaçaqmalçılığa kömək etmək" ittihamları irəli sürülüb.

Prokurorluq tərəfindən Kenan Koçak üçün 27 il həbs cəzası tələb edilib.

Hadisə ilə bağlı aparılan istintaq nəticəsində, Koçakın Turan Yıldırımın xaricə qaçmasına kömək etdiyi iddia edilir. Bu çərçivədə, Koçak və digər şübhəlilər saxlanılıb və məhkəmə prosesi davam edir.

Fidan
Milli.Az