Şou-biznes

78-ci BAFTA mükafatları sahiblərini tapdı - Kimlər qalib oldu? - FOTOlar

18 Fevral 2025 22:36

Baxış: 1 077

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #DÜNYADA #MÜKAFAT #AKTYOR #FİLM

Bu il 78-ci dəfə keçirilən Britaniya Film Akademiyası (BAFTA) mükafatlarının təqdimetmə mərasimi baş tutub. Böyük Britaniyada təşkil olunan tədbirdə kino sənayesinin ən yaxşıları mükafatlandırılıb.

Milli.Az gecənin qaliblərini sizə təqdim edir:

"Ən yaxşı film", "Ən yaxşı Britaniya filmi" və "Ən yaxşı montaj" nominasiyalarında qalib "Conclave" filmi olub.

"Ən yaxşı aktrisa" mükafatına Mayki Medison layiq görülüb. O, "Anora" filmindəki performansına görə BAFTA alıb.

"Ən yaxşı aktyor" nominasiyasında qalib Edrian Broudi olub. O, "The Brutalist" filmindəki roluna görə mükafatlandırılıb.

"Ən yaxşı rejissor" adına isə Breydi Korbet layiq görülüb. O da BAFTA-nı "The Brutalist" filmi ilə qazanıb.

"Ən yaxşı ikinci dərəcəli qadın rolu" nominasiyasında qalib Zoi Saldana olub. O, "Emilia Pérez" filmindəki roluna görə mükafat alıb.

"Ən yaxşı ikinci dərəcəli kişi rolu" mükafatına Kiran Kalkin layiq görülüb. O, "A Real Pain" filmindəki performansına görə seçilib.

"Ən yaxşı bəstəkar" nominasiyasında qalib Deniel Blumberq olub. O, "The Brutalist" filminin musiqisinə görə mükafatlandırılıb.

"Ən yaxşı sənədli film" mükafatı "Super/Man: The Christopher Reeve Story",

"Ən yaxşı qısametrajlı animasiya" mükafatı isə "Rock, Paper, Scissors" filminə təqdim edilib.

Tədbir film sənayesinin uğurlarını qeyd etməklə yanaşı, gələcək kino layihələri üçün də böyük maraq doğurub.

Fidan
Milli.Az