Şou-biznes

Azərlə belə vidalaşdılar - FOTOlar

5 Yanvar 2025 21:47

Baxış: 7 163

VTB-də minimal faiz dərəcəsi ilə nağd kredit 9.9%-dən

#AKTYOR

Xəbər verdiyimiz kimi, aktyor Azər Baxşəliyev vəfat edib.

Milli.Az-ın məlumatına görə, "Bozbash pictures" komandasının üzvləri "Ağsaqqal" obrazı ilə məşhurlaşan həmkarları ilə bağlı paylaşım ediblər.

Aktyor İlkin Həsəni "Hər zaman ölüm xəbərini ilk verən insanlardan zəhləm gedib. Bu dəfə elə özümdən də zəhləm gedir. Son 3 gün ərzində möcüzənin olacağına inananlar, gözləyənlər, dua edənlər, donor olmaq istəyənlər, möcüzə olmadı. Dualarımız dayandı, ümidimiz söndü.

Azər, həyat mübarizəsini dayandırdı və əbədi olaraq gözlərini yumdu. Rahat yat dostum" sözləri ilə Azərə vida edib.

"Bozbash pictures"in "Şöşü"sü Ramil Babayev isə dostunun fotosunu yayımlayaraq "Bəzən həyat bizdən ən dəyərli insanları alır, ürəyimizi boşluq və kədər ilə doldurur. Səni itirmək, qardaşım, dostum, mənim üçün sözlərlə ifadə edilə bilməyəcək qədər ağırdır. Səninlə keçirdiyim hər an mənim üçün əbədi bir xatirə olaraq qalacaq. Güldüyümüz, danışdığımız, həyatımızı bölüşdüyümüz o günləri unutmaq mümkün deyil. Sən artıq aramızda deyilsən, amma ruhun və xatirən həmişə ürəyimizdə yaşayacaq. Həyatımın bir hissəsini özünlə aparsan da, sənin haqqında olan gözəl xatirələrim mənə təsəlli olacaq" sözlərini yazıb.

Aktyor İlkin Misgərli Azərin fotosuna "Əlvida Azər" sözünü yazıb.

Aktyor Nicat Rəhimov isə Azərə "Əlvida qardaşım, nur içində yat" sözləri ilə vida edib.

Aktyor Elşən Orucov isə "Nur içində yat, əziz dostum. Sənin üçün çox darıxacağam, əlvida" sözlərini paylaşıb. (Axşam.az)

Milli.Az