Şou-biznes

Dünyanın ən gözəl qadınlarından biri öldü - FOTO

29 Dekabr 2024 07:52

Baxış: 1 832

VTB-də minimal faiz dərəcəsi ilə nağd kredit 9.9%-dən

#DÜNYADA

Keçmiş "Sports Illustrated" modeli Dayle Haddon karbonmonoksid zəhərlənməsi şübhəsi ilə həyatını itirib.

Milli.Az xəbər verir ki, hakimiyyət orqanları 76 yaşlı Haddonu cümə günü səhər saatlarında Pensilvaniya ştatının Solebury Township bölgəsində yerləşən bir evin ikinci mərtəbəsindəki yataq otağında ölü vəziyyətdə tapıblar. Hadisə yerinə təcili yardım çağırışından sonra gedilib.

Hadisə yerindəki cavabdeh qruplar binada yüksək səviyyədə karbonmonoksid olduğunu aşkarlayıblar.

İstintaqçılar qazla işləyən istilik sisteminin nasaz baca və qaz çıxışı borusunun bu sızmaya səbəb olduğunu düşünürlər.

Dayle Haddon 1970-80-ci illərdə Vogue, Cosmopolitan, Elle və Esquire kimi məşhur jurnalların üz qabığında yer almış, həmçinin 1973-cü ilin "Sports Illustrated" mayo buraxılışında da görünmüşdü.

Model karyerasından başqa, o, 1970-90-cı illər arasında təxminən 20 filmə çəkilmişdi. Bu filmlər arasında 1994-cü ildə John Cusack ilə baş rolu paylaşdığı "Bullets Over Broadway" filmi də var.

Lalə Qüdrətova
Milli.Az