Şou-biznes

"Flora Kərimova "A klass" müğənni deyil"

2 İyul 2024 13:11
Baxış: 2 731
VTB-də minimal faiz dərəcəsi ilə nağd kredit 9.9%-dən
#XALQ ARTİSTİ

"Yüksəkbüdcəli müğənnilər özlərinə "A klass" deyir. Nə keçmişləri, nə indiki halları bir şeydir. Sadəcə, olaraq özlərini "A klass" kimi göstərirlər. 10-15 nəfər bunu öz aralarında saxlayırlar və elə bilirlər həyat onlardan ibarətdir. Bunu da yeyən insan var".

Milli.Az axşam.az-a istinadən bildirir ki, bu sözləri aparıcı Sərxan Kərəmoğlu "Xəbərin var?" proqramında deyib. O, müğənnilərin kateqoriyaya bölünməsini tənqid edib: 

"Aygün Kazımova və Röya Ayxanı qoyuram başqa bir köşəyə, toxunulmazdırlar. Onlar ulduzdur, nə A, nə B-yə daxildir, həyat tərzləri ulduz həyatıdır. Bunlara dəymirəm".

Aparıcıların "Brilliant Dadaşova, Faiq Ağayev, Natavan Həbibi, Lalə Məmmədova" sözlərinə Sərxan bu cür reaksiya verib:

"Sənətkardan söhbət gedirsə, bunlardan biri Zeynəb Xanlarovadır, Fidan və Xuraman Qasımova bacılarıdır. Görüm, onları toya apara bilirsən. "A klass" insanlar toya getmir, oxumur. Özünə "A klass" deyir, gedib toyda oxuyur, gözü də qalır adamların əlində ki, gətirib buna pul verəcək. Hamımız eyni cığırdayıq".

"Flora Kərimova "A klass"dır, toya da gedir" deyən aparıcı İsa Şükürovun sözlərinə Sərxan "Deməli, "A klass" deyil. Efirə çıxıb kişilikdən, namusdan danışır, camaata ağıl verirlər. Toyda isə göz oynayır ki, kimsə gətirib əlinə pul versin" cavabını verib.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.