Şou-biznes

Əməkdar artist: “Əvvəl bir iynə olurdu, onu qaynadırdılar...”

18 İyun 2024 02:02
Baxış: 3 170
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Bu dəqiqə yaxşı sənətkarlar oturub evdə, bayağı mahnı oxuyanlar da hər gün toydadır".

Milli.Az yenicag.az-a istinadən xəbər verir ki, bu sözləri xanəndə, Əməkdar artist Cabir Abdullayev deyib.

Bayağı və zəif mahnıların daha çox təbliğ olunduğunu deyən xanəndə bu cür mahnıların gənclərin musiqi zövqünü korladığını bildirib:

"Bu gün el şənliklərində, efirlərdə elə mahnılar səslənir, məəttəl qalırsan ki, bu nə mahnılardır ki, belə təbliğ olunur? Nə sözü sözdür, nə musiqisi musiqi. Nədənsə bayağı mahnılar tez dəbə minir. Amma əminliklə deyə bilərəm ki, belə mahnıların ömrü uzun olmur. Loru dillə desəm, əvvəllər bir iynə olurdu, onu qaynadırdılar, dəfələrlə istifadə edirdilər, sonradan birdəfəlik iynələrdən istifadə etməyə başladılar. İndiki mahnılar da belədir, bir dəfə istifadə olunur, sonra atılır.

Hamısına şamil etmirəm, yaxşı musiqilər də var, amma zəif, bayağı mahnılar daha çoxdur. Bu mahınlar da gənclərin musiqi zövqünə mənfi təsir göstərir. Təəssüflər olsun ki, elə mahnıların ifaçıları daha çox məşhurdur.

Bu dəqiqə yaxşı sənətkarlar oturub evdə, amma bayağı mahnı oxuyanlar hər gün toydadır. Özlərini də bütün günü efirlərdə təbliğ edirlər ki, ay belə trenddəyəm, ay belə sevilirəm, ay belə qazanıram... Efirlərdə də onları tərifləyib sənətkar zirvəsinə qaldırırlar. Böyük sənətkarlar onlara sənətkar kimi müraciət olunanda utanır".

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.