Şou-biznes

Fuad Əlişovdan ayrılan Sevinc: “Onunla dost deyilik"”

25 Fevral 2024 13:35

Baxış: 2 003

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #AİLƏ #ŞOU #AKTRİSA

Tanınmış aktrisa Sevinc Əliyeva keçmiş həyat yoldaşı, rejissor Fuad Əlişovla münasibətindən danışıb.

Milli.Az teleqraf.com-a istinadən bildirir ki, aktrisa MTV Azərbaycan kanalında bu sözləri deyib:

"Böyük övladımın 13 yaşı var. Altı il, uşaqlarım məktəbə gedənə qədər sənətdən uzaq qaldım. Uşaqlarımın atası ilə dost yox, amma valideyn olaraq bir-birimizə hörmət bəsləyirik. Uşaqlar da bunu görürlər. Elə də olmalıdır. Uşaqlarla bağlı hər hansı problem olanda Fuada zəng edirəm. Mənimlə bərabər uşaqların tərbiyəsi ilə məşğuldur. Onunla doqquz il evli qaldıq. Ətrafımızda ailələr var, qırğın, dava, məhkəmə qapıları...Burdan bütün ailələrə səslənirəm, bir-birinizdən əvəz çıxmaq istəyirsinizsə, uşaqlardan istifadə etməyin. Sizin davanız bir gün bitəcək, amma uşaqların psixologiyasını pozmayın. O uşaqlar 20-25 yaşlarında psixoloqların əlində qalacaqlar. Etməyin...".

Qeyd edək ki, Sevinc Əliyeva rejissor Fuad Əlişovla evli olub. Cütlüyün üç övladı var.

Milli.Az
Xəbərlərimizi WhatsApp kanalımızdan da oxuyun