Şou-biznes

Arif Quliyevin ailəsinin adından dələduzluq

23 Fevral 2024 16:41

Baxış: 1 771

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #XALQ ARTİSTİ #DƏLƏDUZLUQ #AKTYOR

Xəbər verdiyimiz kimi, mərhum Xalq artisti Arif Quliyevin həyat yoldaşı Gülzar insult keçirib və ağır xəstədir.

Milli.Az axşam.az-a istinadən bildirir ki, mərhum aktyorun oğlu Rövşən Quliyevin adından dələduzluq edilib. Belə ki, bəzi imkanlı şəxslərə aktyorun oğlunun adından "Anama maddi yardım edin" yazılı mesaj yollanılıb.

"Elgizlə izlə" proqramında məsələyə aydınlıq gətirilib. Əməkdar artist Kübra Əliyeva bildirib ki, aktyorun evinə yollanıb və oğlunun o cür mesaj yazmadığını öyrənib:

"Həmin nömrədən gələn karta pul köçürülməsin. Həmin ailəyə yardım edən şəxs var. Heç kim pul köçürməsin. Rövşən deyib ki, anamın dərmanlarını atamın dostları alır, başqa heç nə".

Qeyd edək ki, Gülzar Quliyeva qaraciyərindən əziyyət çəkir. O, bir neçə gün əvvəl insult keçirib.

Milli.Az

Xəbərlərimizi WhatsApp kanalımızdan da oxuyun