Şou-biznes

Jerar Depardye yenidən cinsi təcavüzdə ittiham olunub

16 Fevral 2024 21:25

Baxış: 966

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #FRANSA #AKTYOR

Fransada məşhur aktyor Jerar Depardyeyə qarşı yenidən cinsi təcavüzə dair şikayət edilib.

Milli.Az oxu.az-a istinadən xəbər verir ki, bu barədə sənətçinin vəkili məlumat yayıb.

Qeyd olunub ki, adının açıqlanmasını istəməyən rejissor Jan-Pyer Mokinin keçmiş köməkçisi yanvarın 8-də şikayət edib. Qadın 2014-cü ildə "Le magicien et les siamois" filminin çəkilişləri zamanı aktyor tərəfindən təzyiqlərə məruz qaldığını bildirib. Onun sözlərinə görə, Depardye ona şəhvətlə toxunub və nalayiq ifadələr işlədib.

Xatırladaq ki, Jerar Depardye artıq əvvəllər də zorlama və ya cinsi təcavüzdə ittiham olunub. 2018-ci ildə aktrisa Şarlotta Arno aktyorun Parisdəki evində ona iki dəfə təcavüz etdiyini deyib.

Şarlotta Arno Jerar Depardyeni cinsi təcavüzdə ittiham edən 13 qadından biri olub. 2023-cü ilin aprelində Fransanın "Mediapart" portalı onların ifadələri əsasında araşdırma dərc edib. Portalın məlumatına görə, bütün hadisələr 2004-2022-ci illər arasında baş verib.

Milli.Az
Xəbərlərimizi WhatsApp kanalımızdan da oxuyun