Şou-biznes

"Pişik" Güneldən aparıcı Zaura: "Beynimi xarab eləmə, yoxsa..." - VİDEO

13 Fevral 2024 09:24

Baxış: 3 075

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #VİDEO #APARICI

"Pişik" ləqəbi ilə şou-biznesdə məşhurlaşan müğənni Günel Ələkbərova ilə aparıcı Zaur Nəbioğlu arasında qalmaqal pik həddə çatıb.

Milli.Az bizim.media-ya istinadən bildirir ki, sənətçi qonaq olduğu "İncə səhər" verilişində bildirib ki, Zaur onun şəklini efirdə nümayiş edərək aşağılayır və gözdən salır.

Günel efirdə Zaura sonuncu dəfə xəbərdarlıq ünvanlayıb:

"6-7 veriliş var ki, mən ora rahatlıqla qonaq gedirəm. Çünki bilirəm ki, o verilişlərin aparıcıları sənətimi yerə vurmayacaqlar. Amma elə proqramlar da var ki, ora getmək istəmirsən, çünki özünü orada görmürsən. Savadı olmayan bir aparıcı sənə nə sual verəcək? Mən onun mənə verdiyi sualdan qıcıqlanacağam, əsəbiləşəcəyəm. Ondansa, getmirəm. Elə ora gedən zamanı övladıma həsr edərəm, onunla birgə o vaxtı keçirərəm. Evdə otururam görürəm ki, kimlərsə, sənin bu sənətdə çəkdiyin əziyyətini yerə vurur. Halbuki, o aparıcı gözəl bilir ki, dəfələrlə mən Azərbaycanı xarici ölkələrdə layiqincə təmsil etmişəm.

O aparıcı ilə münasibətim yoxdur. O verilişinə bir neçə müğənnini çağırır, şəkillərimi göstərib, müzakirə edib məni aşağılayırlar. Mən bunları etməyə heç kimə yol vermərəm.
Onlar məni danışmağa məcbur və vadar edirlər. Çünki susduqca üst-üstə aşağılamaqdan məni davam edirlər. Hər kəsə həddini bildirməliyəm. Nəsə ağır bir söz eşitmək istəmirsənsə, kiməsə də nəsə ağır bir kəlimə deməməlisən. Sonuncu dəfə deyirəm, beynimi xarab eləmə... Sənin haqqında elə açıqlamalar edərəm ki, ümumiyyətlə daha veriliş apara bilmərsən. Hər şeyin günahkarı bu aparıcıdır".

Milli.Az

Xəbərlərimizi WhatsApp kanalımızdan da oxuyun