Şou-biznes

Aviaqəzada ölən aktyorun 3 gün əvvəlki mesajı: “Cənnətdən salamlar” - VİDEO

6 Yanvar 2024 19:00

Baxış: 914

#VİDEO #AKTYOR

10 və 12 yaşlı qızları ilə birlikdə təyyarə qəzasında həlak olan Hollivud aktyoru Kristian Oliverin faciəvi qəzadan 3 gün əvvəl sosial şəbəkədə izləyicilərinə "cənnətdən salamlar" məzmunlu mesaj ünvanladığı məlum olub.

Milli.Az musavat.com-a istinadən bildirir ki, bu barədə "The New York Post" qəzeti yazıb.

Nəşr qeyd edir ki, faciədən cəmi üç gün əvvəl Oliver istirahətdə olduğu Karib dənizindəki çimərlikdən fotosunu sosial şəbəkələrdə yerləşdirib. "Cənnətin bir guşəsindən salamlar! Cəmiyyətə və sevgiyə doğru... 2024, biz buradayıq", - K.Oliver postda yazıb.

Nəşrin jurnalistləri bu təsadüfü "tükürpədici" adlandırıblar.

Aktyor Kristian Oliver Karib dənizində şəxsi təyyarəsi ilə qəzaya uğrayıb. Aktyorun 51 yaşı var idi.

Oliver Almaniyada anadan olub, lakin demək olar ki, bütün həyatını ABŞ-da yaşayıb, "Yaxşı alman", "Sürətli yarışçı" və "Valkiriya" filmlərindəki rolları ilə tanınır. Bundan əlavə, o, bu yaxınlarda "İndiana Cons" franşizasının son hissəsinin çəkilişlərində iştirak edib.

Milli.Az
Xəbərlərimizi WhatsApp kanalımızdan da oxuyun