Şou-biznes

"Şounu biz göstəririk, amma biznes, yəni pulu onlar qazanır"

28 Noyabr 2023 08:41
Baxış: 2 445
VTB-də minimal faiz dərəcəsi ilə nağd kredit 9.9%-dən
#ŞOU-BİZNES

Bu gün bəzi müğənnilərin beş-on min manat verib "YouTube"da mahnılarını yalandan "trend" etmələri, onların bizim səviyyəmizdə olması anlamına gəlmir. Bu gün mənə də təklif olunur ki, "gəlin, mahnınızı "trend" edək..." Mən özüm-özümü niyə aldadım? Bu gün mənə də deyirlər ki, "Instagram" sosial şəbəkəsindəki səhifənin izləyicilərinin sayını artıraq, iki-üç milyon izləyicisi olsun.

Milli.Az oxu.az-a istinadən xəbər verir ki, bu sözləri müğənni Ayan Babakişiyeva qonaq olduğu "Xəbərin var?" maqazin verilişində deyib.

Sənətçi pulla mahnılarını "YouTube"da "trend"ə salan və efirlərdə populyarlaşdıran ifaçıları özü ilə bir səviyyədə görmədiyini bildirib:

"Mən klip təqdimatı edəndə, Xalq artistləri Aygün Kazımova, Faiq Ağayev kimi məşhurlar gəlib. "YouTube" mahnıları "trend" olan dediyiniz ifaçılar el şənliklərində, məclislərdə iştirak edən müğənnilər olublar. Sonradan efirdə kommersiya xarakterli verilişlər açılıb, onlar öz mahnılarını orada təqdim ediblər. Zamanında kliplərim və klip təqdimatlarım üçün müəyyən vəsaitlər xərcləmişəm, sənətimə sərmayə qoymuşam.

Amma heç vaxt pul verib efirə çıxmamışam. Kommersiya müğənnisi olmamışam. Mənim ilk dəfə səhnə çıxışım Heydər Əliyev Sarayında olub və məni Aygün Kazımova ilə Murad Dadaşov təqdim edib. Düşünmürəm ki, o müğənnilər o səhnədə elə təqdim olunublar. Şou-biznes başqa şeydir, müğənnilər, tanınmış insanlar isə başqadır.

Toy müğənnisi əgər toyda oxuyub pul qazanırsa, bu, onun şou göstərdiyi anlamına gəlmir. Bu, şou-biznes deyil. Mənə elə gəlir ki, şounu biz göstəririk, amma biznes, yəni pulu onlar qazanır".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.