Şou-biznes

Laçına köçənlərdən biri tanınmış aktyor imiş - FOTOlar

22 Noyabr 2023 11:40

Baxış: 2 669

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #SERİALLAR #AKTYOR #LAÇIN

Bu gün növbəti köç karvanı Bakı şəhərinin Qaradağ rayonundakı "Qobu park 3" yaşayış kompleksindən yola salınıb. Bu mərhələdə Laçın şəhərinə daha 21 ailə - 81 nəfər köçürülüb.

Milli.Az Trend-ə istinadən bildirir ki, Laçına gedənlər arasında tanınmış aktyor Rauf Şahsuvarov da olub.

Trend-in kamerasına tuş gələn aktyor, Laçında işləyəcəyini bildirib.

Qeyd edək ki, aktyor 1991-1992-ci illərdə Arif Paşayevin komandiri olduğu Azərbaycanda olan ilk nizami alayın - Laçın alayının tərkibində Qarabağ müharibəsində iştirak edib.
Rauf Şahsuvarov hazırda Bakı Uşaq teatrında işləyir. İşlədiyi illər ərzində teatrda bir neçə tamaşanın quruluşçu rejissoru olub və müxtəlif rollar oynayıb.

Aktyor "O dünyadan salam", "Lal", "Yol yoldaşları", "QAZ", "Kəndim+nizə qayıdın!?", "Sübhün səfiri", "Oğlan evi 2", "Hoqqa", "Sən demə" filmlərində, "Pərvanələrin rəqsi", "Sonuncu fəsil", "Qız atası", "Vicdan haqqı", "Əqrəb mövsümü" seriallarında yaddaqalan obrazlar yaradıb.

Milli.Az

Xəbərlərimizi WhatsApp kanalımızdan da oxuyun