Şou-biznes

Məşhur serialın aktyoru evində boğulub öldü

29 Oktyabr 2023 09:39
Baxış: 974
VTB-də minimal faiz dərəcəsi ilə nağd kredit 10.49%-dən

"Dostlar" serialının ulduzu Metyu Perri 55 yaşında vəfat edib.

Milli.Az oxu.az-a istinadən xəbər verir ki, bu barədə TMZ portalı məlumat yayıb.

Aktyorun meyiti oktyabrın 28-də Kaliforniyadakı evində cakkuzidə ölmüş vəziyyətdə tapılıb. Mənbələrin məlumatına görə, oktyabrın 28-də aktyorun ürəyinin dayanması ilə bağlı təcili tibbi yardım xidmətinə zəng daxil olub.

Hadisə yerində narkotik tapılmayıb. Əvvəllər Perri açıq şəkildə etiraf edib ki, serial çəkilişləri zamanı narkotik asılılığından əziyyət çəkirmiş.

Qeyd edək ki, 15 yaşında olarkən Perri aktyorluq etmək üçün Ottavadan Los-Ancelesə köçür. Bir neçə seriallarda kiçik rollarda və qonaq aktyor kimi oynayır. Daha sonra, 1994-cü ildə ABŞ sitkomu "Dostlar" serialında oynamağa başlayır. Serial olduqca uğurlu alınır və aktyorların hər birinin şöhrətini artırır.

İlk mövsümdə, baş rol ifaçıları bir seriya üçün 22,5 min dollar, üçüncü mövsümdə 75 min dollar qazandılar, 9 və 10-cu mövsümlərdə hər bölüm üçün gəlirləri 1 milyon dollara qədər yüksəlir.

Milli.Az 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.