Şou-biznes

“Qaraca qız”ın Xədicəsi: Hər ilana görə 70 rubl pul vermişdilər - VİDEO

27 Yanvar 2023 04:44
Baxış: 2 180
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

1966-ci ildə çəkilən və Azərbaycan kinosunun incilərindən sayılan "Qaraca qız" filminin məşhur aktrisası Leyla Axundova açıqlaması ilə diqqət çəkib.

Milli.Az bizim media-ya istinadən xəbər verir ki, sözügedən ekran işində Xədicəni canlandıran Leyla xanım "ATV səhər" verilişinə müsahibəsində filmdə yer alan səhnələrdən söz açıb.

"Bu filmə baxmıram, çünki baxanda ağlayıram. Valideynlərimin yeganə övladıyam. Gec dünyaya gəlmişəm. Üstümdə hamı əsirdi. Kinoya çəkilmək çox çətindir. Məni aldatdılar ki, Sevil ("Qaraca qız" filmindən "Tutu" obrazını canlandıran Sevil Zeynalova - red.) ölüb. Bunu eşidəndə çox ağladım. Yeddi yaşında qız necə ağlasın? Sonra isə dedim ki, sizin kinonunuzda çəkilmirəm, kinonuzu da istəmirəm. Üç-dörd gün filmə çəkilmədim, onlarla danışmadım".

L.Axundova bildirib ki, "Qaraca qızı" filminin çox hissəsini kəsiblər:

"Bu diplom işi idi. Bu filmə çox pul xərcləndi. Şamil müəllimi dilə-dişə saldılar, elədilər "novella". Filmi kəsdilər. Xüsusi olaraq bu film üçün Moskvadan çox sayda qaraçılar gəlmişdi. Kadrlarda yer alan ayını belə Moskvadan gətirmişdilər. Film 1 saat 20 dəqiqə olmalıdır. Lakin kəsib 45 dəqiqə etdilər".

Hazırda uşaqlara musiqidən dərs deyən "Xədicə" həmçinin ilanla olan birgə səhnədən imtina etmək istəsə də, bu, onda alınmayıb:

"İlandan elə qorxmuşdum ki, hətta qızdırmam qalxmışdı. Hər ilana görə 70 rubl pul vermişdilər. Anama söylədilər ki, otur kinoya bax, amma Leylini biz özümüzlə aparırıq. Şamil bəy dedi ki, sənin ətəyini açıb, ora ilanı salacağıq. Vedrənin qapağını açdılar, ilan dilini çıxardan kimi... İlanı görən insan necə ola bilər? Dedilər ki, qorxma. Lakin mən çox ayıq uşaq idim. Gördüm ki, çəkiliş heyətinin bir üzvünün əlində taxta vardı. Deyirsiniz ki, ilandan qorxma, bəs siz niyə əlinizdə taxta tutmusunuz? Cavab olaraq söylədilər ki, taxtanı saxlayırıq ki, birdən səni çalmaq istəsə... Bunu dedi, lap qorxdum".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.