Şou-biznes

Tünzalə Əliyevanın bacısı: “Son sözünü eşidə bilmədik” - FOTO

23 Yanvar 2023 13:29
Baxış: 2 823

"Tünzalənin yanında bir həftə bacısı qaldı. O, danışa bilmirdi. Səsi çıxmırdı. Dünyasını dəyişməzdən əvvəl vəziyyəti ağırlaşdı. Bu səbəbdən reanimasiyaya qaldırdılar. Onlar da xəstəxanada qalmayıblar ki, gedək səhər gələrik. Tünzalənin son sözünü eşidə bilmədik. Bacım xəstəxanaya gələndə, həkim dedi ki, Tünzalənin ürəyi dayanıb".

Milli.Az xəbər verir ki, bu sözləri bizim.media-nın əməkdaşı ilə söhbətində ötən gün Milli Onkologiya Mərkəzində saat 12 radələrindən xərçəngdən dünyasını dəyişən aktrisa, Əməkdar artist Tünzalə Əliyevanın bacısı Zülfiyyə xanım deyib.

Aktrisanın bacısı vurğulayıb ki, o, ölümündən əvvəl fiziki məhdud insanlardan ibarət kiçik teatr truppası yaratmaq istəyib:

"Səsi tutulanda dedi ki, səsim getdi. Bir aktrisa üçün səsini batması dəhşətdir. Ona söylədik ki, bəlkə vurulan iynələrdəndir, səsin bir müddət sonra açılar. Söylədi ki, yox açılmayacaq. Qoy sağalım, özümə truppa yaradacağam. Orada fiziki məhdud insanlar olacaq. Ümüdlə yaşayırdı. Yaşamaq istəyirdi. Amma yaşamaq ona qisçət olmadı".

Zülfiyyə xanım bacısı qızı Zəhranın anasının ölümündən hələ də bixəbər olduğunu söyləyib:

"Qızı Zəhranın anasının dünyasını dəyişməsindən xəbəri yoxdur. O bilir ki, anası xəstədir və müalicə almaq üçün xəstəxanadadır. Bizi gördü sevindi. Amma xala nə etsin? Biz ona heç nə deyə bilmirik. Bir az başımız açılsın, yəqin atası Röyal özü onunla danışıb, deyəcək"

O, Əməkdar artistin həyat yoldaşı Röyal bəyin hadisədən şokda olduğunu bildirib:

"Röyalın vəziyyəti də yaxşı deyil. Şok vəziyyətindədir. O, gah danışır, gah gülür, gah ağlayır. Tünzalənin yoxluğunu qəbul edə bilmir".

Mərhumun bacısı atalarının vəziyyətinin ağır olması ilə əlaqədar, dəfndə iştirak etməyəcəyini açıqlayıb:

"Atamızı qoymadım bu gün gəlməyə. Onun da vəziyyəti ağırdır. O şəkər xəstəsidir, təzyiqi var. Bəlkə heç dəfində iştirak etməyəcək. Məsləhətləşdik, qərar verdik ku, evdə qalsın".

Milli.Az

Məqaləyə dair fotomateriallar:

İllik 12,99%-dən 40 000 manatadək zaminsiz komissiyasız kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics