Şou-biznes

“Aktrisa xanımımla kirayədə qalırıq, evimiz yoxdur” - VİDEO

19 Sentyabr 2022 15:48
Baxış: 3 359

"Bizim maaşımız və yaşayışımız göründüyü kimi yaxşı deyil. Problemlər həddindən artıq çoxdur. Amma kənardan sözsüz ki, gözəldir hər şey".

Milli.Az bizim media-ya istinadən xəbər verir ki, bu sözləri Əməkdar artist Çingiz Əhmədovun aktyor oğlu İbrahim Çingiz qonaq olduğu "YouTube"da yayımlanan "Qırmızı" layihəsində deyib.

Xanım həmkarı Aydan Axundzadə ilə evli olan Səməd Vurğun adına Rus Dram teatrının aktyoru maddi problemlərinin olduğunu və hələ də həyat yoldaşı ilə kirayədə qaldığını açıqlayıb.

"Aktyordur da tanınır, sevilir, pul qazanır, yaşayır. Amma əslində bu, belə deyil. Hazırda mən evsizəm. Evim yoxdur. Aktyoram, amma evim yoxdur. Maaş və pul məsələsi, aktyorların vəziyyəti Azərbaycanda budur. Bunun günahı isə bu işi görən bacarıqsız insanlardadır".

İbrahim valideynlərinin Aydan ilə ailə qurmasına müsbət yanaşdıqlarını bildirib.

"Bizim evdə belədir. Əvvəldən özümü necə görsətmişəmsə, tərbiyə almışamsa, onu da geri vermişəm. Buna görə valideynlərim hər zaman mənə güvənib və inanıblar. Ona görə mənim seçimimi necə varsa elə də qəbul ediblər. Bir ildən çoxdur ki, evliyik və valideynlərim bizim evliliyimizdən yanılmayıblar".

Sənətçi Aydanla ailə qurmazdan əvvəl onunla kəsdiyi şərti açıqlayıb.

"Bazara gedirik. Qiymətlər qalxıb deyə əziyyət çəkirik. Problemlərimizi həll edirik. Bir yerdə çəkilişə gedirik. Bəzən mən teatra gedirəm, o oturub məni gözləyir. Aydan yemək bişirə bilir. Mən Aydanla ailə quranda əsas məqamlardan biri onun yemək bişirməsi idi. Yemək hər zaman hazırdır və məni gözləyir".

Xatırladaq ki, bir il əvvəl ailə quran cütlük tezliklə övlad sahibi olacaq. Bu haqda isə İbrahim sözügedən layihədə deyib.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics