Şou-biznes

Kann festivalının qalibləri onlar oldu - Siyahı

29 May 2022 11:45
0 Şərh     Baxış: 814
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

75-ci Kann Film Festivalı başa çatıb.

Milli.Az Axşam.az-a istinadən xəbər verir ki, gecədə festivalın baş mükafatı -  "Qızıl palma budağı" rejissoru Ruben Estlundanın "Kədər üçbucağı" filminə verilib. Bu nominasiya uğrunda ümumilikdə 21 film mübarizə aparıb.

"Ən yaxşı aktrisa" "Müqəddəs hörümçək" (rejissor Əli Abbasi) filmindəki roluna görə iranlı aktrisa Zar Əmir İbrahimi seçilib.

"Ən yaxşı aktyor" adına isə "Gözəl ulduzlar" (rejissor Hirokazu Kora-eda) filmindəki roluna görə aktyor Sonq Kanq-ho layiq görülüb.

"Ən yaxşı ssenari" üzrə qalib isveçli rejissor Tarik Salehin "Cənnətdən gələn oğlan" filmi, "Ən yaxşı rejissor işi" üzrə qalib isə koreyalı rejissor Park Çan-Vukun "Ayrılmaq qərarı" ekran işi olub.

Gecədə "Qran pri" mükafatı Lukas Dontun "Yaxın" filmi və Kler Denisin "Ulduzlar günorta" filminə verilib.

Həmçinin münsiflər heyətinin xüsusi mükafatını Yerji Skolimovskinin "Eeyore" adlı ekran işi və Feliks van Qroningenlə Şarlotta Vandermeersin "Səkkiz dağ" filmərinə görə təqdim olunub.

Festivalın 75 illik yubileyi şərəfinə hazırlanan xüsusi mükafatın sahibi isə Darden qardaşlarının "Tori və Lokita" filmi seçilib.

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.