Şou-biznes

Sevgi mahnıları, yoxsa terrorçu himni? - Yarısı "hacı", yarısı "bacı"...

21 May 2022 13:15
5 Şərh     Baxış: 1 252

Yenə "xalq şousu"ndan danışacam. Daha doğrusu, "həci"ləriylə xalqa yandı-qındı verənlərin şousundan.

"Hacı biznesi" elə həvəsləndirib ki, bəziləri kişi obrazını dəyişib olub "bacı", qadınlarla bəhsə girir.
Hə, deyəsən daha "hacılar"ı yavaş-yavaş rəislər əvəz edir,  bir müğənni çıxıb "Rəisim" mahnısı oxumaqla bəzilərinin ürəyinə  yağ, bəzilərinin ürəyinə də dağ çəkib. Dağ çəkilən qisim  media nümayəndələridir. A zalım balası, səni məşhur edən  jurnalist, xalqa tanıdan jurnalist, tərifləyib ballandıra-ballandıra yazan jurnalist, heç ona mahnı qoşmursan, bu rəis nə tez  "Rəisim" oldu?  Cəhrə qarı demişkən, səni yanasan, qız. 

Son 20 ildə sevgi mahnılarının nə qədər bayağılşamasının hamımız fərqindəyik. Daha o romantik,  bənövşə kimi kövrək sevgiləri mahnılarda tapmaq olmur.  Əvvəllər "Gözündə göz izi var, sənə kim baxdı yarım?" deyə soruşardı sevən, "Qorxuram gec gələsən, gözlərim yaşlı qala", " Hər quru sözdən ötrü yarla savaşmaq olmaz" deyərdi sevgi mahnıları.

Milli.Az lent.az-a istinadən xəbər verir ki, indi sevgi mahnıları terrorçu himninə daha çox oxşayır. Aqressiya, şiddət, qarğış, qiyamət. Yar yarına "daha betər ol",  "sürün", "öləcəksən, yanacaqsan, dəli olacaqsan" tipində mesajlar ötürməklə qalmır, "səndən yaxşısını tapmışam" deyib acıq verir. Kimin kimə deyiləcək sözü varsa, dərhal  ucuz bir şairə beş-üç manat verib, sifarişlə bir şeir yazdırır, musiqiyə pul verməyə dəyməz, ordan-burdan oğurlamaq da olar,  ya da kompüterdə müəyyən proqramlar vasitəsilə notları ard-arda düzdürdün, oynaq bir şey alındımı, gündəmin hiti , əsrin "şedevri" hazırdır. Ver pulu, çıx efirə, millətin başını dəng elə. Ayıba, zada da baxma, guya məşhur olub,  ad alanların, efirdən ona-buna  qanun xırdalayanlardan nələri əskikdir ki?

Tək əskik bir balaca stajın olmasıdır. Stajlı müğənni bir neçə il efirdə görünəndən sonra, özünü xalqın sənətkarı elan etmək haqqı qazanır, hesab edir ki, kiminsə başına çıxmaq ixtiyarı əldə edib.  Mahnını  səhv də oxumaq olar, adını qoyursan ki, bu mənim xırdalığımdır, yolumdur, yeni üslub gətirmişəm.

"Xalqın sənətkarı" daha xalqın  gözünü mazol eləməklə qalmır, xalqın gözünü çıxarmaqla hədələyir. Söz düşən kimi  "mən illərimi vermişəm, mən dişimlə, dırnağımla gəlmişəm, mənim xidmətlərim olub, mən xalq yolunda çalışmışam" deyir.

Məlum məsələdir ki, ölməyib yaşayan hər bir insan işləmək məcburiyyətindədir və bunun üçün də illərini sərf  edir. O ki qaldı "sənətkarın" xalq  üçün çalışmasına, açıq etiraf edək, axı bir çoxları daha çox cibləri üçün çalışırlar. İndi xalq  naminə qastrollara çıxıb kənd zəhmətkeşləri qarşısında  pulsuz konsertlər verən, günlərlə tarlalarda, çöllərdə gəzən  incəsənət xadimləri var? Uzaq başı əsgərlərin görüşünə gedirlər və ya dövlət tədbirlərində oxuyurlar, onda da mütləq şəkildə efirlərdə işıqlandırılırlar. Bu da öz növbəsində reklamdır. Yoxsa rayona gedib, puluyla "palatka" toyunda oxumağı zəhmət hesab edir sinəsinə döyən qəhrəmanlar?  

Lazım gələndə puluyla millətə hava atanlar, bir balaca canları sıxılan, çətinliyə düşən kimi efirə çıxıb elə həmin millətdən kömək tələb edirlər. Bir toyu 5 min manata oxuyan da ağlasın, ayda 300 manat pensiyaya göz dikən də? Cırcırama kimi yayda oynayıb, qışda qarışqadan çörək istəməyə bənzəmirmi?

Ağıllı olub dərd çəkməkdənsə, dəli ol dərdini çəksinlər prinsipi işləyir.

Nə bilim vallah, camaatın yarısı "hacı", " bacı".  Oxuya-oxuya, oynaya-oynaya gedirik. Gözə gəlməsək yaxşıdı. Qıraqdan baxanda yaman bəxtəvər görünürük. Utanmasan oynamağa nə var ki.

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

5 Şərh:

  • Anonim
    Muahammadali · 21 May 14:0140

    Çox sağ olun!

    Cavab yaz
  • Anonim
    Maqa · 21 May 14:55150

    Halaldi sizə Milli az bax belə yazin deyim hə! Vallah ürəyimdən xəbər verdi qəşəng yazmisiz superdi!

    Cavab yaz
  • Anonim
    Papatya · 21 May 16:5130

    Başdan sona haqli məqalə. Əlavə şerhim yoxdu . duppediz

    Cavab yaz
  • Anonim
    ALEKS❤️ · 21 May 17:4030

    İzaha ehtiyac yoxdu.hər şey xırdalığına kimi qeyd olunub. Xüsusən bir toydan 5 min alan da ağlasın...ayda 300 manat maaş alan da?Musiqiçilərin ağlaması son vaxtlar yaman dəbdədir....Ah ,,Sənət...Sənət,,,sənə nə qədər layiqli layiqsizlər gəlir gedir...biri Hacının...o biri Rəisin...o biri....nəyin şotuna özünü ,,Sənətə,,sırıyıb meydanda su sulayır....

    Cavab yaz
  • Anonim
    asi · 21 May 17:5650

    Görəsən o zalım balasını məhşur edən, xalqa tanıdan, tərifləyib ballandıra-ballandıra yazan jurnalist yazdığına baxıb, xəcalət çəkir??...Deməli tək həcilər, rəislər yox, jurnalistlər, media, efir də günahkardır..Əvvəllər hansısa vəzifəlinin sevgilisi olmaq fahişəlik sayılırdı, indi isə, prestij sayılır, hamısı da müğənni..Əvvəllər sevməyin məqsədi evlənmək, ərə getmək idi, ona görə ona həsr olunan şeirlər, mahnılar da məsum və incə, mənalı idi, indi sevmək varlı kişilərin yatağına girib, kişini mənəvi, özünü maddi cəhətdən təmin etməkdir, ona görə də sevgi haqqındakı mahnılar da səviyyəsizdir..

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics