Milli.Az xəbər verir ki, şair, bəstəkar Xanım İsmayılqızı Moderator.az-ın suallarını cavablandırıb.
- Xanım xanım, bu gün sizin doğum gününüzdür. Doğum günü sizin üçün nə anlam kəsb edir?
- Mənim üçün bu yaşımda, iki 6 yan-yana durduğu bir vaxtda, doğum günü ömrümün təqvimində qeydə alınan dünyaya gəliş günümün rəqəmləridir, qeydiyyat tarixçəsidir. 66 yaşım tamam olur. Amma mən hər gün dünyaya gəlirəm və bu hər gün mənim üçün bir qazancdır. İnanın səmimiyyətimə, hər gün gözümü açanda deyirəm ki, şükür bu günümə. Çünki yaşım üstə yaş gəlir. Təbii ki, yaşım üstə yaş gəldikcə də səhhətimdə problemlər yaranır. Bu da normaldır. Əsas odur ki, ayaq üstəyəm, özüm-özümü idarə edə bilirəm, qələmim əlimdən düşməyib, ürəyim yenə də musiqi ilə, şeirlə döyünür və döyünə bilir. Yeni şeir yazanda o gün mənim doğum günümdür, yeni mahnı bəstələyəndə mənim doğum günümdür və yaxud dostlarımın, doğmalarımın bir uğurunu görəndə sevinirəm və sevinə bilirəm. Bunun özü də bir gözəllikdir. Allahın bəxş etdiyi hissiyatların, ruhun dilidir.
- Xanım İsmayılqızı hansı illərin, doğum günlərinin xiffətini çəkir?
- Mən o illərin xiffətini çəkirəm ki, valideynlərim sağ idi, hələ uşaq idim, bizim üçün ad günü keçirərdilər, ad günlərimizi həsrətlə gözləyərdik ki, mənə nəsə hədiyyə edəcəklər. Mən bir övladımı, Fəridimi itirmişəm, onun xiffətini çəkirəm ki, yenə də uşaqlarımla hamımız biz yerdə oturub, onların ad gününü qeyd edərdim, mənim ad günümdə ilk hədiyyəm onlar tərəfindən olardı. İndi də qızım, iki nəvəm var. Mənə onlar xüsusi sevinc bəxş edir, bu da Allahın mənə bəxşişi, hədiyyəsidir. Onların sayəsində yaşamağa stimulum var. O günlərin xiffətini çəkirəm və təbii ki, bu günümə də şükür edirəm. Heç kəs öz qismətindən artıq heç bir addım da ata bilməz. Bu günü Allah qismət edibsə, bu günə şükür.
- Bəs ən yaddaqalan doğum gününüz hansı olub?
- Ən yaddaqalan doğum günlərim əzizlərimin yanımda olduğu vaxtlar idi. Elə indi də yaddaqalan günlərim olur. Onlar xüsusi bir günlərdir, sıraya düzüb deyə bilmirəm ki, bu ən yaddaqalan idi?!
- Özünüzə ən böyük arzunuz nədir?
- Özümə ən böyük arzum odur ki, Allah bir də məni əzizlərimin itkisi ilə sınağa çəkməsin, o günləri mən görməyim. Sevdiklərimin gözəl günlərini görməyi mənə nəsib etsin, məni heç kimə möhtac etməsin. Ataların bir məsəli var, "Allah sağ gözü, sol gözə möhtac etməsin". Bu çox gözəl deyimdir. İnsanın bir gözü görməyəndə belə axsıyır, narahatlıq yaşayır. Mən o qədər ömür arzulayıram ki, özüm özümü idarə edə bilim. Yaşamağa bir stimulum olsun. Stimul yoxdursa yaşamağın bir mənası yoxdur.
- Keçmişlə yaşayan insansınız?
- Deyim ki, təkcə keçmişdə ilişib qalan adamam, bu günü yaşamıram və yaxud da gələcəkdən nəsə gözləmirəm, elə də deməzdim, amma keçmişim hər anı, günü, sevinci, kədəri ilə mənimlədir. Keçmişimi unutsam gələcəyim də olmaz. Keçmişimi özümdə yaşadıram. Keçmiş nədir? Həm itirdiklərimdir, həm qazandıqlarımdır, həm yaşadıqlarımdır. Hər şey mənimdir də. Mənim içimdə bir dünya var ki, o dünya məndədir və mən o dünyanı özümdə yaşada-yaşada yaşayıram. Yaşaya bilirəm. Xatirələrimiz silinsə mənə elə gəlir ki, həyat bir az mənasını da itirər. Allah mənə bir pəncərə verib, o pəncərə həmişə mənə nəfəs verir, o pəncərəm hər zaman açıq olsun. Pəncərə açıq olsa nəfəsimiz gedib gələcək. Nəfəs gedib gəlirsə yaşamaq həvəsi də, yazıb-yaratmaq həvəsi də olur. O nəfəslik mənim yaradıcılığımdır. Yaşından asılı olmayaraq yaradıcı adam yaratmasa yaşamaz. Əlbəttə ki, gənclik illərindən fərqli olaraq yaradıcılıq məhsuldar olmasa da amma var. O mənə dayaqdır.
- Özünüzü düşünüb də qələmə aldığınız əsəriniz, mahnınız var?
- Əslində bütün yazdıqlarımda bu və ya digər formada mən varam. Hadisələr fərqli ola bilər, amma hisslər mənimdir. Məni ifadə edən və yaxud özümdən yazdıqlarım da var. Məsələn, İradə İbrahimovanın ifa etdiyi "Qəm qalası" mahnısı məni ifadə edir. Yenə də İradə İbrahimovanın ifasında "Səndəmi ölmək istədin" mahnımı anama ithaf etmişəm və mənim kədərimə köklənib. Keçən il Elnarə Xəlilova ilə bir mahnı lentə aldıq. Sözü və musiqisi mənə aiddir. Oğluma ithaf etmişəm, onun timsalında dünyasını dəyişən bütün oğullarımıza ünvanlamışam və onların kədərini yaşayan anaların kədəri də var burada.
Milli.Az
Şou-biznes
“Allah bir də məni əzizlərimin itkisi ilə sınağa çəkməsin” - Övladını itirən bəstəkar
11 Aprel 2022 15:24
0 Şərh
Baxış: 1 986
DİGƏR XƏBƏRLƏR
- Çingiz Mustafayevin ailə qurduğu xanım görün kim imiş - FOTO
- Ölümü ilə hamını yandıran aktrisa - Hər şeyi səhnəyə qurban verdi
- Paris Hilton öz yalanını üzə ÇIXARDI – FOTOlar
- Ancelina Coli yeni sevgilisi ilə GÖRÜNTÜLƏNDİ
- İfaçıdan saza HÖRMƏTSİZLİK - VİDEO
- Ancelina Colinin iki sevgilisinin olduğu üzə çıxdı - Onlar kimlərdir?
XƏBƏR LENTİ
- Orqanizmi qalxan kimi qoruyan RESEPT
- Çingiz Mustafayevin ailə qurduğu xanım görün kim imiş - FOTO
- Hizbullah İsrail ordusunun qərargahına hücum etdi
- Mirzoyan Kassislə görüşdə Bakı ilə danışıqlardan söz açdı
- Dünyanın ən gözəl idmançısı geyimi ilə heyran etdi - FOTOlar
- Renatın komandası “Beşiktaş”la oyunda qələbəni əldən verib - 90+7-ci dəqiqədə
- Günün qoroskopu: Alış-verişdə iri məbləğin xərclənməsini təxirə salın
- Ölümü ilə hamını yandıran aktrisa - Hər şeyi səhnəyə qurban verdi
- Bu tapıntı Misirdəki piramidaların sirrini aça bilər
- Bricit bacarıqsız Makrondan bezdi, işə başlayır – Deyli Meyl
- Bu məşhur şirkət Rusiya bazarını tərk edir
- Tiflisdə Rusiya bayrağı yandırıldı
- Ukrayna ilə bağlı sülh konfransının məqsədi budur - Lavrov
- Qətlə yetirilən tələbənin cinayət işində müəmma daha da böyüyür: Ailəsi DANIŞDI
- Avtomobili və sürücülük vəsiqəsi olmayan şəxsə cərimə YAZILDI - VİDEO
- Rusiyanın bu vilayətində partlayışlar baş verdi
- Ukrayna daha bir Su-25-i məhv etdi
- NTD-İNDİQO bürünc medalçı olub - VİDEO
- Paris Hilton öz yalanını üzə ÇIXARDI – FOTOlar
- Moskvada “Bolşoy Teatr”da həyacanlı anlar: min nəfər təxliyə edildi - VİDEO
- Kirantsda Azərbaycan sərhədinin keçdiyi yer - VİDEO
- Ancelina Coli yeni sevgilisi ilə GÖRÜNTÜLƏNDİ
- Ermənistanda növbəti atışma: 2 nəfər öldü, 1-i yaralandı
- Sərhəddəki ermənilərə vaxt verildi: iyunun 24-dək tərk edin!