Şou-biznes

Əkiz qardaşının ölümündən 6 gün sonra vəfat etdi - FOTO

4 Yanvar 2022 14:45

3 Şərh Baxış: 1 458

VTB-də minimal faiz dərəcəsi ilə nağd kredit 10.49%-dən

Fransalı məşhur şoumen İqor Boqdanoff vəfat edib.

Milli.Az Axşam.az-a istinadən xəbər verir ki, 72 yaşlı şoumen əkiz qardaşı Qriqoridən 6 gün sonra dünyasını dəyişib.

Qeyd edək ki, Boqdanoff qardaşları dekabrın 15-də koronavirus səbəbi ilə xəstəxanaya yerləşdirilmişdi. Qriqori xəstəlikdən iki həftə sonra vəfat etmişdi.

Boqdanoff qardaşları 1970-ci illərin sonundan Fransada uğurlu televiziya proqramları ilə məşhurluq qazanmağa başlayıblar. Xüsusilə, onların 1982-ci ildə "2002: Gələcəyin Odisseyi" teleşousu uğurlu olub. Bununla belə, qardaşların bir sıra çıxışları elmi ictimaiyyətin kəskin tənqidi ilə üzləşib və onları yalançı hesab ediblər. Qardaşların nəşr etdiyi elmi-populyar kitablar da tənqidlərdən yayına bilməyib.

1990-cı illərin sonunda qardaşlar doktorluq dissertasiyalarını müdafiə edib. Lakin 2010-cu ildə Riyaziyyat və Nəzəri Fizika üzrə Milli Tədqiqat Komitəsi onların işinin heç bir elmi dəyəri olmadığını bəyan edib.

Qardaşların əsl adları İqor Yuryeviç və Qriqor Yuryeviç Ostasenko-Boqdanoffdur. Onlar 1979-cu ildə ilk elmi-fantastik proqram "Time X"-in (Temps X), zamanla "Dördüncü Ölçü", "Məhkum", "İşğalçılar" kimi bir sıra verilişlərin aparıcısı olublar.

Milli.Az