Rusiya

"Snickers" və "Twix"in satışı dayandırılacaq - Bu ölkədə...

25 İyul 2025 15:13

Baxış: 906

VTB-də yüksək depozit faizleri daha çox qazandırır

#RUSİYA #QİDA

Rusiyanın ən böyük pərakəndə satış şəbəkələrindən biri olan "X5 Group" "Mars" şirkətinin məhsullarının - o cümlədən "Snickers", "Twix", "M&M's", "Orbit "və digər məşhur şirniyyat və saqqızların tədarükünü dayandırıb.

Milli.Az xəbər verir ki, bu barədə RBC-yə şirkətə yaxın mənbə məlumat verib.

Pyaterochka və Perekrestok mağazalarına məhsulların çatdırılması artıq iyulun 23-dən dayandırılıb. Şirkət bu qərarını təchizatçının təklif etdiyi qiymətlərin "ədalətli bazar prinsiplərinə" uyğun gəlməməsi ilə əsaslandırıb.

"X5"in nümayəndəsi bildirib ki, hazırda anbarlarda olan ehtiyatlar sentyabr ayına qədər kifayət edəcək, daha sonra bu məhsullar oxşar alternativlərlə əvəz olunacaq.

Mars şirkəti isə rəsmi olaraq tədarükün dayandırıldığını təsdiqləyib və tərəflər arasında razılığın əldə olunmamasını qeyd edib.

Fidan
Milli.Az