Moskvada öldürülən Sərkisyanla bağlı sensasiyalı FAKTLAR

Moskvada yaşayış kompleksində baş verən partlayışda öldürülən Armen Qorlovski kimi tanınan Armen Sərkisyan haqda məlumatlar yayılıb.

Milli.Az xəbər verir ki, Ukraynada satqın kimi tanınan Sərkisyan haqda sensasion məlumatları elə bu ölkənin mətbuatı yayıb.

Bildirilir ki, Armen Sərkisyan Donetskdə Ukraynaya qarşı döyüşmək üçün məhbuslar cəlb edib. Vurğulanır ki, Donetsk, Luqansk, Zaporojya və Xerson vilayətlərinin müvəqqəti işğal olunmuş ərazilərinin qondarma nəzarətçisi işğalçı hakimiyyətə məhbuslar arasından qanunsuz silahlı birləşmələr yaratmağa kömək edib.

44 yaşlı Armen Sərkisyan 2014-cü ildən Maydan fəallarına işgəncə verməkdə şübhəli bilinərək axtarışa verilib. İstintaqın məlumatına görə, o, 2014-cü il fevralın 17-də keçmiş daxili işlər naziri Vitali Zaxarçenko və onun biznes tərəfdaşlarının maraqlarından çıxış edərək, Yuri Krisinə hökumət məhəlləsində "ictimai asayişi qorumaq" üçün 200-300 nəfər tapmağı tapşırıb ki, bu da jurnalist Vyaçeslav Vereminin qətlinə səbəb olub.

Yuri Krisinin sözlərinə görə, o, daha sonra "hökumət məhəlləsini qoruduğuna görə" Armen Sərkisyandan 20 min dollar alıb. Krisin 1000 qrivnanı əlaltılarına verib, qalanını isə özünə saxlayıb. Ukrayna məhkəməsi Yuri Krisini 5 il müddətinə azadlıqdan məhrum edib. Daha sonra o, Rusiya Federasiyasında gizlənən Yanukoviç dövrünün iş adamı Aleksey Çebotaryevin sifarişi ilə Maydan fəallarına işgəncələrin təşkilində şübhəli bilinərək ikinci hökmü alıb. Ümumilikdə Krisin 2026-cı ilə qədər həbsdə olacaq.

2019-cu ilin yayında Yuri Krisin ifadəsini dəyişməyə və Armen Sarkisyanın adının oradan çıxarılmasına çalışaraq, guya maliyyə münaqişəsinə görə ona böhtan atdığını vurğulayıb. Bu, kassasiya şikayətinə baxılan ərəfədə baş verib.

Yanukoviçin dövründə Sərkisyan "Regionlar Partiyası"ndan olan keçmiş deputat Yuri İvanyuşşenkoya (Yura Yenakievski) yaxın olan "Armen Qorlovski" ləqəbli nüfuzlu kriminal başçı olub. Sarkisyanı işğal altındakı Qorlovkada bütün biznesin kölgə nəzarətçisi də adlandırırlar. Orada onun öz kafeləri var və boks klublarının açılışını təşkil edir. Baş Kəşfiyyat İdarəsinin məlumatına görə, o, Ukraynanın işğal olunmuş ərazilərində talan biznesi ilə məşğul olub.

2018-ci ildə Ukrayna hüquq-mühafizə orqanları Sarkisyanın guya Fransada saxlanıldığını bildirsələr də, sonradan onun eyni şəxs olmadığını bəyan ediblər. Şübhəli şəxs özü Rusiyada olduğunu qeyd edərək, həbslə bağlı məlumatı təkzib edib.

KİV-də Armen Sarkisyanın Çeçenistan rəhbəri Ramzan Kadırovun sağ əli, Rusiya Dövlət Dumasının deputatı Adam Delimxanovla fotosu da dərc olunub. /Publika.az

Milli.Az