Din

Xoy imdad diləyir: molla rejimi isə çirkin simasını göstərir - FOTO

10 Fevral 2023 10:05

Baxış: 2 628

VTB-də minimal faiz dərəcəsi ilə nağd kredit 9.9%-dən

#ZƏLZƏLƏ #GÜNEY AZƏRBAYCAN

Xoydakı zəlzələdən uzun müddət keçib. 15 dərəcə şaxtada çöllərdə qalan əhalinin acınacaqlı vəziyyəti ürək parçalayır.

Tehran Respublikası Suriyada zəlzələdən zərər çəkənlərə fasiləsiz yardımlar, xilasedici qruplar yollayır.

Amma öz vətəndaşları yaddan çıxıb.

Təəccüblü deyil, çünki Xoyda evləri viran olanlar, qışın sazağında, şaxtasında küçədə iki odunu yandırıb qızınmağa çalışanlar azərbaycanlılardır.

Soruşuram: harada yatıb Suriyaya yardım göndərən İslam Respublikası rejimi?

Sosial şəbəkələrdə, mediada Azərbaycanla Türkiyəni hədələyən molla rejimi mənsubları, bu rejimin tulaları hanı?

Yoxsa Tehran rejimi Güney Azərbaycandakı soydaşlarımıza qarşı yeni Urmu gölü xəyanəti hazırlayır?

Xoyu unudan Tehran rejiminin məqsədlərindən biri də evləri yerlə yeksan olmuş soydaşlarımızı başqa şəhərlərə, başqa əyalətlərə köçə vadar etmək və bu minvalla azərbaycanlıların tarixi yurdu olan Xoyda demoqrafik vəziyyəti dəyişməkdir.

Əsas məqsəd isə "Qərbi Azərbaycan ostanı" adlanan yurd yerimizdə soydaşlarımızın sayını azaltmaqdır.

Xoyda insanlar ac, məzlum, ümidsiz, sazaqda köməksizdir.

SEPAH üzvləri, İran ordusu və Güney azərbaycanlı dövlət məmurları kor olub bu reallığı görmürlər?

Xoydakı zəlzələ qurbanlarını tək qoymamalıyıq.

Xoy hələ də yardım gözləyir...

Elçin Alıoğlu
Milli.Az