Bölgə xəbərləri

Masallı rayonunun Qodman kəndində ATS-in yeni inzibati binası istifadəyə verildi

9 Avqust 2013 17:12

Baxış: 897

VTB-də minimal faiz dərəcəsi ilə nağd kredit 10.49%-dən

#AZERBAİJAN

Milli.Az Cənub TV-yə istinadən xəbər verir ki, Masallı rayonun Qodman kəndində 256 abonent tutumlu elektron ATS-in yeni tikilmiş inzibati binasının açılış mərasimi keçirildi.

Tədbirdə Rayon İcra Hakimiyyətinin başçısı, Aztelekom İB-nin operativ şöbəsinin müdiri, rayon rəsmiləri, idarə və təşkilat rəhbərləri, həmçinin kənd sakinləri iştirak ediblər. Çıxış edən kənd sakinləri vurğuladılar ki, ölkədəki inkişaf özünü ən ucqar kəndlərdə belə göstərir. Ötən il yaşadıqları kənddə ən müasir, yaraşıqlı məktəb binasının istifadəyə verilməsini, kəndə yeni yol çəkilməsini, o cümlədən kəndin mərkəzində elektron ATS binasının istifadəyə verilməsini xüsusi olaraq vurğulayan sakinlər göstərilən qayğı və diqqətə görə möhtərəm prezidentimiz İlham Əliyev cənablarına minnətdarlıqlarını bildirdilər.

Daha sonra çıxış edən rayon rəsmiləri kənd sakinlərini təbrik edib bildirdilər ki, informasiya və telekommunikasiya texnologiyalarının sürətli inkişafı möhtərəm prezidentimizin həyata keçirdiyi siyasətin tərkib hissəsidir. Rayonda rabitə xidmətinin ilbəil yaxşılaşdığını deyən natiqlər, hazırda 24 mindən çox abonentin elektron ATS-lərin xidmətindən istifadə etdiyini vurğuladılar.

Qeyd olundu ki, Azərbaycanın iqtisadi qüdrəti artdıqca xalqın rifahı da yaxşılaşır. İndi Azərbaycanın kosmosda özünün peyki mövcuddur. Bu o deməkdir ki, rabitə və telekommunikasiya sahəsində də ölkəmizin müstəqilliyi təmin olunub. İnformasiyalara nəzarətimiz var. Möhtərəm prezidentimizin təşəbbüsü ilə 2013-cü ilin informasiya və telekommunikasiya texnologiyaları ili elan edilməsi ölkəmizdə bu sahənin inkişafına daha da təkan verəcəkdir. Sonda binanın açılışını bildirən rəmzi lent kəsildi.

Milli.Az