PUL
Adətən ən bahalı əşyalar deyildikdə incəsənət əsərləri, zinət əşyaları və ya nadir avtomobillər xatırlansa da, mütəxəssislər bildirir ki, dünyanın ən bahalı obyekti Yer üzündə deyil. Söhbət kosmosda yerləşən Beynəlxalq Kosmik Stansiya-dan gedir.
Milli.Az xəbər verir ki, qiymətləndirmələrə əsasən, stansiyanın ümumi dəyəri bütün xərclər daxil olmaqla 1 trilyon dollardan çoxdur və bu rəqəm artmaqda davam edir. Layihə onilliklər ərzində həyata keçirilib və onlarla ölkənin iştirakı ilə modullar hissə-hissə orbitə göndərilib.
Beynəlxalq Kosmik Stansiya yalnız maliyyə baxımından deyil, elmi əhəmiyyətinə görə də unikaldır. Burada çəkisizliyin insan orqanizminə təsiri araşdırılır, yeni materiallar sınaqdan keçirilir və əldə olunan nəticələr tibb və sənayeyə tətbiq olunur.
Stansiyanın saxlanılması üçün hər il milyardlarla dollar xərclənsə də, o, beynəlxalq əməkdaşlığın mühüm simvolu hesab olunur. Mütəxəssislər qeyd edirlər ki, Yer üzündə heç bir obyekt bu qədər yüksək dəyərə malik deyil.
Bununla yanaşı, kosmik stansiya gələcək Ay və Mars missiyaları üçün əsas platformalardan biri kimi böyük əhəmiyyət daşıyır.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
