İdman

“Meydanda olan orada qalır”

3 Aprel 2026 23:40

Baxış: 1 629

VTB-də minimal faiz dərəcəsi ilə nağd kredit 9.9%-dən

#AZƏRBAYCAN FUTBOLU

"Qarabağ"ın baş məşqçisi Qurban Qurbanov Azərbaycan Kubokunun yarımfinal mərhələsinin ilk oyununda "Sabah"la heç-heçə (2:2) başa çatan matçdan sonra təşkil olunan mətbuat konfransında maraqlı açıqlamalar verib.

Milli.A xəbər verir ki, təcrübəli mütəxəssis meydanda yaşanan gərginlik və rəqib həmkarı Valdas Dambrauskasla münasibətlərinə toxunub.

Q. Qurbanov Elvin Cəfərquliyevlə Zedadka arasındakı mübahisəli epizodu görmədiyini bildirib:

"Düzü, Elvinlə Zedadkanın epizodunu görmədim. Amma bu, normal bir şeydir. Çünki futbol xarakter və mübarizə oyunudur. Bəzi azarkeşlər belə gərginlikdən zövq alırlar. Mən həmişə bildirmişəm ki, meydanda olan orada qalır. O anda yaşanan hadisələr, aqressiyalar, düşünmədən atılan addımlar sırf oyunun atmosferinə görə olur. Mən sonradan buna müdaxilə etməyi xoşlamıram".

Rəqib komandanın baş məşqçisi haqqında da müsbət fikirlər səsləndirən Qurbanov qeyd edib ki, aralarında qarşılıqlı hörmət var:

"Biz Dambrauskasla həmişə futbol haqqında danışmışıq. O, bizim işimizə dəyər verib. Mən də öz növbəmdə qarşılıqlı fikirlərimi bildirmişəm ki, həqiqətən gözəl komandanız var".

Xatırladaq ki, dramatik keçən qarşılaşma 2:2 hesabı ilə yekunlaşıb və finalçının adına cavab matçında aydınlıq gələcək.

Milli.Az