Siyasət

Prezident İlham Əliyev əvvəllər olduğu kimi qalib görünürdü - "Kommersant" Soçi görüşü barədə

27 Noyabr 2021 12:30
Baxış: 808

Noyabrın 26-da Soçidə Rusiya prezidenti Vladimir Putin, Azərbaycan Prezidenti İlham Əliyev və Ermənistanın baş naziri Nikol Paşinyan arasında danışıqlar keçirilib.

Milli.Az Trend-ə istinadən xəbər verir ki, görüşün yekunları barədə "Kommersant" qəzetinin müxbiri Andrey Kolesnikovun məqaləsi dərc edilib.

Müəllif xatırladıb ki, tərəflər ilin sonunadək iki ölkə arasında sərhədlərin müəyyənləşdirilməsi mexanizmi barədə razılığa gələcəklər.

Məqalədə vurğulanır ki, danışıqlar zamanı Prezident İlham Əliyev əvvəllər olduğu kimi təmkinlilik nümayiş etdirərək qalib kimi görünürdü. Nikol Paşinyan isə içində faciəvi emosiyaları gizlədən biri kimi danışırdı. Paşinyanın sözləri ilk baxışdan danışıqlara gələn insanın sözləri təsirini bağışlamırdı.

"Başa düşmək lazımdır ki, söhbət bu sərhədlərin xəritəyə köçürülməsindən gedir, və bu, onların münasibətində ən çətin məqam olacaq. Çünki Ermənistanın baş naziri sözün əsl mənasında öz məğlubiyyətinin altına imza atmalıdır", - A.Kolesnikov yazıb.

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.