Siyasət

Uşaqlar hərbi münaqişələr zamanı heç bir halda hədəf obyektinə çevrilməməlidir - Ombudsman

25 Noyabr 2021 16:26
Baxış: 407

Uşaqlar hərbi münaqişələr zamanı heç bir halda hədəf obyektinə çevrilməməli, bundan əziyyət çəkməməlidir.

Milli.Az Trend-ə istinadən xəbər verir ki, bunu Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva "Karabakh Memorial" internet resursunun təqdimat mərasimində deyib.

Ombudsman bildirib ki, hazırda uşaqlar müəyyən təhlükələrlə qarşılaşırlar. Ermənistan beynəlxalq hüququn bir çox normalarını kobud şəkildə pozub. Lakin Ermənistana qarşı beynəlxalq miqyasda heç bir tədbir görülməyib.

"UNİCEF-in hesabatlarında Dağlıq Qarabağ və ətraf ərazilərdə baş verən münaqişə nəticəsində qətlə yetirilən azərbaycanlı uşaqların sayı, harada qətlə yetirilməsi ilə bağlı faktlar göstərilməyib. Bununla bağlı tərəfimizdən UNİCEF-ə etiraz edilib və Ermənistanın təcavüzünün nəticələri ilə bağlı faktaraşdırıcı missiyanın keçirilməsi təklif olunub" - deyə, o bildirib.

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.