Siyasət

Ermənistana təhvil verilən erməni hərbçilərin adları məlum oldu

19 Oktyabr 2021 22:04

0 Şərh Baxış: 1 138

#SİYASƏT

Azərbaycanda cəza çəkən və bu gün Ermənistana təhvil verilən 5 nəfər erməni hərbçinin adları məlum olub.

Milli.Az Trend-ə istinadən bildirir ki, Azərbaycanlı Əsir və Girovlara bağlı Məlumat Mərkəzinin koordinatoru Əhməd Şahidovun dediyinə görə, Azərbaycan sərhədlərini qanunsuz pozaraq Xocavənd rayonuna keçən və Hadrut qəsəbəsi istiqamətində saxlanılaraq həbs edilən Ermənistan vətəndaşları Mels Ambardanyan, Rafik Karapetyan, Jora Manukyan, Ovsep Manukyan və Sedrak Sogomonyan Rusiya sülhməramlılarının vasitəçiliyi ilə Ermənistan tərəfə təhvil verilib.

Xatırladaq ki, adıçəkilən ermənilər Vətən müharibəsindən sonra Azərbaycanın Xocavənd rayonu ərazisindən Azərbaycan sərhədlərini pozaraq Hadrut qəsəbəsi ərazisinə daxil olarkən Azərbaycan Silahlı Qüvvələri tərəfindən saxlanılmışdı. Bakı Ağır Cinayətlər Məhkəməsinin hökmü ilə saxlanılan şəxslərin hər biri 4 il müddətinə azadlıqdan məhrum edilmişdi.

Milli.Az