Siyasət

Azərbaycan ABŞ-dan hərbi sualtı qayıq alıb - FOTO

16 Sentyabr 2021 21:11

1 Şərh Baxış: 4 986

#MÜDAFİƏ

Azərbaycanın Dövlət Sərhəd Xidməti (DSX) Xəzərdə antiterror təlimləri keçirib.

Maraqlıdır ki, taktiki təlimlərdə DSX-nin Sahil Mühafizəsinin müasir naviqasiya və radiotexniki avadanlıqlarla, silah sistemləri ilə təchiz edilən sərhəd gözətçi gəmiləri, DSX-nin Xüsusi Hava Əməliyyatları Qüvvələrinin helikopterləri, pilotsuz uçuş aparatları, kütləvi qırğın silahlarının və onların komponentlərinin aşkarlanması və müəyyənləşdirilməsi üzrə xüsusi avadanlıqlar, dəniz kampaniyasına yeni qəbul edilmiş müşahidə, aşkaretmə təyinatlı sualtı aparatlar, yerüstü və dəniz əməliyyatlarında tətbiq üçün itisürətli amfibiya qayıqlar istifadə olunub.

Həmin qurğular arasında ABŞ istehsalı olan "Ocean Pearl" adlı xüsusi təyiantlısualtı qayıq da vardı. Bu sualtı qayıqdan Birləşmiş Ştatlarda Hərbi-Dəniz Qüvvələri və Sahil Mühafizəsi istifadə edir.

ABŞ-ın "SEAmagine Hydrospace Corporation" şirkətinin istehsalı olan "Ocean Pearl" ("Okean mirvarisi) mini sualtı qayığın maksimal fəaliyyət dərinliyi 150-1000 metr arasındadır.

6 saat su altında qala bilən qayığın çəkisi 3200-5000 kq, sürəti 3 knotdur. "Ocean Pearl" oksiggen və CO2 monitorinqləri də apara bilir.

Ehtiyat üzmə ballastı olduğundan qayıq yük daşımaq və yük qoymaq imkanlarına malikdir.

"Ocean Pearl" sonarla da təchiz olunub.

Milli.Az