Siyasət

Beynəlxalq faktaraşdırıcı missiya azad edilmiş ərazilərə səfər edəcək

15 Sentyabr 2021 11:35
Baxış: 734

Dəvətimizi qəbul edərək faktaraşdırıcı missiya həyata keçirmək məqsədilə növbəti beynəlxalq nümayəndə heyəti Azərbaycana səfərə gəlib.

Milli.Az Trend-ə istinadən bildirir ki, bunu Ombudsman Səbinə Əliyeva deyib.

S.Əliyeva bildirib ki, Azərbaycan Ombudsmanı İslam Əməkdaşlıq Təşkilatının Ombudsmanlar Assosasiyasının İdarə Heyətinin üzvüdür:

"Bu gün bu Assosasiyanın Prezidenti, Türkiyənin Baş Ombudsmanı Şərəf Malkoç və İslam Əməkdaşlıq Təşkilatının Ombudsmanlar Assosasiyasının baş katibinin nümayəndəsi, Pakistan Ombudsmanının nümayəndəsi Bakıdadır. Bu səfər çərçivəsində işğaldan azad edilmiş ərazilərə səfər etməyi planlaşdırırıq və səfərin yekunu olaraq bəyanat qəbul olunması nəzərdə tutulur.

Ermənistanın Azərbaycana qarşı törətdiyi müharibə cinayətləri, mədəni abidələrimizin dağıdılması, ekoloji terror, Ermənistan hərbi-siyasi hakimiyyətinin məsuliyyətə cəlb olunması və təzminatın ödənilməsi istiqamətində bu günə qədər çox işlər görülüb və bizim birlikdə hazırladığımız hesabat bu istiqamətdə növbəti addım olacaq".

Milli.Az

 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.