Siyasət

Paşinyan oğlunu Bakıya göndərir? - Milli.Az-a ÖZƏL AÇIQLAMA

11 İyun 2021 00:09

Baxış: 4 012

"Nikol Paşinyanın Azərbaycanın ələ keçirdiyi əsirlərə qarşılıq olaraq rəsmi Bakıya oğlunu təklif etməsinin seçkilərlə bağlı olduğu aydındır".

Bunu Milli.Az-a açıqlamasında Gürcüstan Strateji Analiz Mərkəzinin rəhbəri Qela Vasadze deyib.

Analitik bildirib ki, Paşinyanın oğlunu Bakıya təklif etməsi, seçkiqabağı təşviqat kompaniyasının bir hissəsidir:

"Paşinyanın bu təklifi müxalifətin ona göstərdiyi aramsız emosional təzyiqlə əlaqədardır. Onun bu təklifi hüquqi baxımdan mümkün deyil. Oğul məsələsində ümumiyyətlə bəlli deyil, bildiyimə görə Azərbaycanın Ədliyyə sisteminin Ermənistan baş nazirinin oğluna qarşı heç bir iddiası yoxdur və bu səbəbdən onun tutulması və ya dəyişdirilməsi üçün heç bir əsas yoxdur.

Səlahiyyət baxımından yalnız Prezident, Baş nazir və Xarici İşlər Naziri ölkə adından danışmaq səlahiyyətinə malikdir. Rəsmi olaraq, müzakirəçilərin səlahiyyətləri yalnız rəsmi bir fərmanla digər şəxslərə verilə bilər. Fikrimcə, bu, sadəcə seçkiqabağı təşviqat kompaniyasının bir hissəsi idi. Paşinyanın bu cür bəyanatları olduqca başa düşüləndir".

Təhməz Əsədov
Milli.Az