Siyasət

Türkiyə ilə Azərbaycan arasında daha bir sənəd təsdiq edildi

8 İyun 2021 11:55
Baxış: 392

Milli Məclisin bu gün keçirilən növbədənkənar iclasında "Azərbaycan Respublikası Hökuməti ilə Türkiyə Respublikası Hökuməti arasında peşə təhsili sahəsində əməkdaşlığa dair Protokol"un təsdiq edilməsi haqqında məsələ müzakirə edilib.

Milli.Az Trend-ə istinadən bildirir ki, protokola əsasən, Azərbaycan Respublikasında iki peşə təhsili verən müəssisənin bazasında Türkiyə Respublikası Milli Təhsil Nazirliyinin dəstəyi ilə iki yeni peşə təhsili müəssisəsi yaradılacaq.

Protokola əsasən, tərəflər qarşılıqlı bilik və təcrübə səviyyəsini artırmaq məqsədilə peşə təhsili müəssisələri arasında "qardaşlaşmış məktəblər" əlaqələrinin yaradılmasını, kurs və təcrübə keçməyi təşviq edəcəklər.

Müzakirələrdən sonra protokol səsverməyə qoyularaq təsdiq edilib.

Milli.Az 

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.