Siyasət

Pakistan azad edilmiş ərazilərin bərpasında Azərbaycanı dəstəkləyir

11 Aprel 2021 21:15
Baxış: 880

Pakistan azad edilmiş ərazilərin bərpasında Azərbaycanı dəstəkləyir.

Milli.Az Trend-ə istinadən bildirir ki, bunu Qlobal və Strateji Araşdırmalar Mərkəzinin (CGSS, Pakistan) icraçı direktoru Xalid Taymur Akram deyib.

İcraçı direktor bildirib: "Pakistan azad edilmiş ərazilərin bərpasında Azərbaycanı dəstəkləyir və ümid edirik ki, tezliklə məcburi köçkünlər öz doğma torpaqlarına qayıdacaqlar".

Akram vurğulayıb ki, Pakistan Dağlıq Qarabağ münaqişəsinin başlandığı andan etibarən Azərbaycanı dəstəkləyib: "İkinci Qarabağ müharibəsi zamanı Azərbaycan xalqının birliyinin şahidi olduq və torpaqların azad olunması ilə bağlı Azərbaycanın sevincini bölüşürük".

İcraçı direktor qeyd edib ki, Azərbaycan ilə Pakistan arasındakı münasibətlər 1991-ci ildən başlayır. Pakistan Azərbaycanın müstəqilliyini tanıyan ilk 3 ölkədən biri olub. Ölkələr arasında diplomatik münasibətlər 1993-cü ilin martında qurulub.

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.