Siyasət

Kanadada "We All Stand With Azerbaijan!" aksiyası - FOTO

31 Oktyabr 2020 17:20
Baxış: 595

Kanadanın Toronto şəhərində Azərbaycan Qadınlarına Dəstək Mərkəzinin təşkilatçılığı ilə "We All Stand With Azerbaijan!" adlı həmrəylik aksiyası keçirilib.

Diasporla İş üzrə Dövlət Komitəsindən Milli Az-a verilən məlumata görə, Ontario əyalətinin Parlamentinin önündə Torontoda yaşayan Azərbaycan icmasının qadınlarının iştirakı ilə baş tutan həmrəylik aksiyasında təcavüzkar Ermənistanın 30 ilə yaxındır Azərbaycan torpaqlarını işğal altında saxlaması, o cümlədən erməni ordusunun dinc əhalini, azyaşlı məsum uşaqları qəsdən hədəfə alaraq qətlə yetirməsi kəskin pislənilib. Aksiyada "Qarabağ Azərbaycandır", "Erməni təcavüzünə son", "Gəncə üçün dua et","Erməni terroruna son", "Bərdə şəhəri münaqişə zonasından kənardadır" kimi şüarlar yazılmış plakatlar nümayiş olunub. Gəncə və Bərdə terrorunun qurbanlarının fotolarının önünə güllər düzülüb, şamlar yandırılıb.

Aksiyanın sonunda Ontariodakı Azərbaycan icmasının anaları adından bəyanat, eləcə də parlament üzvlərinə indiyədək ünvanlanmış məktublar Ontario Əyalətinin Parlamentinin üzvü Ted Arnota təqdim edilib.

Milli.Az

Məqaləyə dair fotomateriallar:

 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.